3/31/2009

小心卑鄙公司,詐騙/騙局軟件--3HK MiniBus


金融海嘯真係咁大影響?本來各人都說III HK是很差很差很差的,我用了多年,也覺不盡是太差。
但今次不同,李生你係股票輸左好多?要用咁卑鄙手段去賺盡用戶個$8????

首先看一下軟年簡介,完全沒有提及額外收費問題

Minibus 香港巴士路線搜尋器"是全港巴士路線資料庫,齊集超過800條九巴、城巴、新巴及龍運巴士路線。軟件詳列每條巴士路線的車站、車資及班次等資料。用戶可以 點對點搜尋巴士路線,或以巴士號碼查詢有關路線資料。"Minibus"特別設有智能車站轉乘功能。如沒有巴士直達目的地,車站轉乘功能會顯示可行的轉乘 車站,讓用戶有多一點選擇。

"Minibus" Hong Kong is a bus search engine in Hong Kong, it covers 800 bus routes in Hong Kong Island, Kowloon and the New Territories. Users can search the bus route by entering the starting point and destination, and also view the details on the bus route, eg. all the bus stops of the bus route, service time and bus fare. "Minibus" will suggest the interchanges for the user if no direct bus route is available. Moreover, user can also search the bus route by the bus number or search by a list in the advanced search mode. (The content is available in Chinese only)



但當你進入軟件,回答了YES之後,就多謝你月費$8,仲有,照佢以住做法,是一經申請,每月都會收費,直至你CUT為止/或是在手機設定不再使用為止。


簡直是詐騙/騙局所為。


氣忿之餘更係要即寫卜講比人知等其他網友不要中計啦。

另外,如果不幸下載左既朋友,盡一下責任,上去Apps Store比返D評語佢。
今次我絕對唔會提供網址的。

3/29/2009

iphone東南西北--Fortune Teller


70-80年代的小朋友的紙上遊戲中以「天下太平」、「射龍門」、「東南西北」為三大天王。
現在當然又被數碼化了。

Fortune Teller - 3d Paper Origami--原價US$1.99,現在免費下載

什麼?不知什麼是「東南西北」?
東南西北。 先用紙折成四角立體可摺合的形,在裡面寫上動物如豬牛羊,然後選擇個方向,下數?開合到要求下數 ,再看看裡面寫上是什麼,選中豬那係做是豬了。
(亦試過寫入大懲罰,選中了什麼懲罰,就要被罰什麼)……真是回味無窮。

它有多個面紙可供選擇。(但沒有我最想要的單行紙)


再選打開後的內容,預設了一些,當然可自行加入啦。


摺好了,東南西北東南西北東南西北東南西北東南西北,開。。。。

下載位置
http://itunes.apple.com/WebObjects/MZStore.woa/wa/viewSoftware?id=305927636&mt=8

3/28/2009

冒個人生命危險都要介紹既軟件--Cute Asian Girls


咳咳~首先女黨員今天可以休息了,男黨員有重要野要做。。。咳咳~
(由於我太太是會間歇地睇我尼個卜,今次真是冒生命危險的,大家請珍惜)

Cute Asian Girls--即日起只免費三日,三日後升回原價US$2.99

軟件有D咩?故名思意啦,Cute Asian Girls可愛亞洲女孩。
相片及人的質素非常高,相片數量亦非常多,下翻了十多廿頁仍未見重覆或完,簡直是令人愛不惜手。
(我完全沒有看的,不關我事,咳咳~)

點選了相片還可以瀏覽大相,當然可以放大啦。
(我估既啫,完全沒有試用的,咳咳~)

見到心愛照片,還可以即時下載保存
(我完全沒有下載的,不關我事,咳咳~)

暫時未知軟件的相片是否會不停更新,及相片有否版權問題。
絕對是男黨員必下載軟件

(聲明:本首領絕對沒有對此軟件進行測試,欣賞美女相片,及下載美女相片,以上全是個人對此軟件的推測。)

(咳咳~至各黨員,如果你地一連幾日都唔見我寫卜,應該是以上聲明過唔到骨,而我應該遇害了或是家法處置中,大家請為我禱告或作福吧啦)


下載位置
http://itunes.apple.com/WebObjects/MZStore.woa/wa/viewSoftware?id=309299028&mt=8

巧遇上北原照久之玩具博物館


巧遇上失落於N年前的記憶。。。。佢地全部返黎啦


尼2個成7尺高架(勁多人合照,等左好耐先無人影到)


原子小金剛漫畫~正


我記得小時我都有一個架,不過D飛彈買係3日內已經射唔見晒了


尼個小時我都有一個小型版本的




好熟。。。。但真係唔記得


巨靈神呀,當年好貴架


尼隻有睇卡通,但已忘記名字了


咸蛋一家


神奇小子


Q大郎


月光檬面俠




好大隻牛奶妹呀




鐵甲萬能俠






好醜既蝙蝠俠面具









尼個展覽係太古城,展期至4月中,

3/27/2009

轉換萬能俠--All-in-One Unit Converter


日常生活,成日會突如其來比人問到一D生活常識題,明明是識的,但又老是記不到。。。。就是各樣的換算吧!

一日,老闆穾然問,10MB寬頻即是幾多Kbps?5萬澳元轉英磅好定加元好?澳洲時差幾多小時?公司個櫃高3尺3/4寸兩個疊高即係幾多cm?

明用是識的,但突然一問,真是O咀。

轉換萬能俠--All-in-One Unit Converter--原價US$1.99,現在完全免費,直程係旁身必備。


轉換內容包括:
長度/重量/地區/體績/溫度/時間/燃料消耗/速度/貨幣......多到講唔完。
應該生活上必需都包全含了。

貨幣轉換更會連上網作更新,保正匯率UPDATE.

最貼心設計是轉換器內包含埋計算機,即可以在一個軟件內完成晒所有換算。
如:公司個櫃高3尺3/4寸兩個疊高即係幾多cm?
其他apps,要先用計算機計出3尺3/4寸+3尺3/4寸,再寫下答案,再入轉換器換算。

而轉換萬能俠只需進入直接計出3尺3/4寸+3尺3/4寸再即時轉換。

另外,你還可把個人常用的轉換加入Favories,下次再用就更加方便,而它更有一個Dashboard可以設定各轉換項目,或是匯率,就一目了然啦。

下載位置
http://itunes.apple.com/WebObjects/MZStore.woa/wa/viewSoftware?id=306899118&mt=8

3/25/2009

免費黨員必備「神器」--AppSniper Lite


身為免費黨首領有免費有好野,更益各位免費黨黨員啦,現在推介免費黨既「神器」,有左佢,各黨員都可無時無刻賺盡佢,絕對唔會走雞。

日日都有一大堆減價/限時免費軟件或遊戲,一無留意,走雞真係蝕左,勁唔抵!!!
AppSniper Lite神器,開左佢,佢會自動上網CHECK尼3日內最新軟件/減價軟件/限時免費軟件,一有免費野,即時下載,咁就永遠唔會走雞啦。

另外佢仲有HOT APPS排行,重要是它有SNIPES功能,當你找到一個心愛軟件,就可加佢入去SNIPES LIST只要佢一減價/免費,你即時可知。

AppSniper Lite與AppSniper 既分別就是SNIPES LIST的數量,Lite版只能加入10個,而付費版可加入100個軟件。
(既然係免費黨神器,更係用免費版啦

咁佢有咩唔好處尼?
佢只提供價格變動,但apps既質素尼.......
就更係無尼個「卜」咁中肯又獨到評論啦(仲幫你試晒,好用好玩又免費先介紹)

嗱~免費黨「神器」,唔去下載,你重點算係免費黨????

~免 費 黨 全 體 出 擊 ~

下載位置
http://itunes.apple.com/WebObjects/MZStore.woa/wa/viewSoftware?id=302392066&mt=8

北極滑冰企鵝--Arctic Shuffle Lite


Arctic Shuffle係未介紹之前,要講出一個常識,就是:北極是沒有企鵝的。因此遊戲名有小小問題。

Arctic Shuffle Lite-- Lite版,更係FREE啦

遊戲是要利用5隻企鵝,調好角度力度,由起點射出,要避過障礙物而平安停左終點圈即過關。
都幾好玩,我用了3日才能把整個 Lite版打爆,都幾耐打的。




不要小看Lite版,它共有20版,面付費版有72版,但要付US$3.99,那麼相對地20版但免費,即時覺得好抵~
起碼唔會一玩完即想比佢入去小家種系列啦

下載位置
http://itunes.apple.com/WebObjects/MZStore.woa/wa/viewSoftware?id=308017623&mt=8

3/23/2009

餐廳達人-Restaurant Master


餐廳達人現在只免費一日,之後會升價至US$4.99。免費黨員!!出擊!!

餐廳達人是一隻經營餐廳遊戲,要帶位,落單,入單,煮菜,而不同菜式又要不同煮法。
要滿意度達標來才能過關,在開關前,還有小道具可以選擇。
(暫時仍試緊,不知要達什麼情度才能在第一地區勝出?)

已知竅門:
用異性去招待會更好滿意度。
同人物坐在左右會更好滿意度。
有神秘客人會有幫助或幫倒忙。

面地區方面,共有10個社區,面每個社區的餐廳又各有不同,真係有排玩。。。

又免費,又多版,畫面又靚,唔下載試下都對唔住自己啦!!!

只係,你有無咁好彩係佢優惠完之前下載到啫~(不過有訂閱既卜友,實無走雞既)

下載位置
http://itunes.apple.com/WebObjects/MZStore.woa/wa/viewSoftware?id=308635680&mt=8

3/22/2009

轉轉六角轉--iPolygon


iPolygon--原價US$0.99,現在限時免費,快

轉轉六角轉是以一如撞磚式的遊戲,不同的是今次圓為目標,利用accelerometer把球在各多邊形內反彈,當球接觸了*便會變成帶刺,把你的多邊形擊破,而你的邊形被擊破至只淨下一邊時,便算過關。


遊戲有3個模式,
馬拉松模式:由4邊形開始,每過一關加多一邊。
肥仔模式:每過一關邊線粗度加大。
混合模式:混合馬拉松模式和肥仔模式。

3個模式都好難,暫時最多只玩到LEVEL 7,由於遊戲需要accelerometer及高度控制力及準確度,絕不能在巴士上練習,因此我相信我好難再提升版數了。


下載位置
http://itunes.apple.com/WebObjects/MZStore.woa/wa/viewSoftware?id=307997892&mt=8

呀狗~你今年貴庚?--Animal Years Free


你有無養寵物?帶無養貓,鼠,馬,羊,鴨,牛,龜,金魚?動物壽命與人不同,究竟貓,鼠,馬,羊,鴨,牛,龜,金魚~你地今年貴庚?

Animal Years Free--完全免費,(只是一網上廣告)

用Animal Years Free一計,即時計出人類的一年相對動物的生理年歲,一計之下,發覺有些動物相對地老,真是要對它們更多試關注了。


下載位置
http://itunes.apple.com/WebObjects/MZStore.woa/wa/viewSoftware?id=298564906&mt=8