6/30/2009

炒車助手--C.A.R. - Car Accident Report


有車的朋友,需則大家小心駕駛,但好多時意外,就是意料之外,意外發生後,大件事就無得講啦一定報警啦,小交通意外,如果有個助手幫下,好過事後口同鼻拗。

C.A.R. - Car Accident Report﹣﹣真係幫到手,重要係免費,只要你唔介意佢佔你一個APP位,同唔多利事,絕對係車手必備

當有意外發生,跟據香港交通條例,如果不涉及人傷亡的小型交通意外,是可以私下和解的,

第一件事,C.A.R.軟件一開,即時有個簡單意外發生的安全指引,確保其他及自己的安全先。

跟著當然是用C.A.R.抄低對方司機,目擊証人資料啦,(受傷人士香港就不適用了)
基本上照表填都有足夠資料。


跟手即用GPRS再配埋地圖,定出出事位置資料。


跟著是拍下當時環境照片,車身損壞情況,用文字簡使寫下情況,畫下當意外時的位置及撞擊位置,最重要是商討賠償,口講無憑,即時錄下對話。(對方走你數都有的追)


跟手更係各涉事司機一人一個副本電郵啦。

不過跟據多年老前輩講,寫好晒所有野之後,最好都先到警局,將以上所有資料給予警方,作備案之用。(因可意外時,人是無事,事後撞車的後遺症才出現)

今次真係進退兩難,軟件是好用,但叫人下載又好似咒人出意外,唔講,下次真係有事時,又真係唔知要問對方咩資料才足夠。。。。。。大家有用就下,希望下左都不需要用啦!!!

下載位置
http://itunes.apple.com/WebObjects/MZStore.woa/wa/viewSoftware?id=320377277&mt=8

6/29/2009

"大蘋果, 新時代" 第十一集

從前蘋果每次推出新的 Mac OS,口號通常類似「把你的 Mac 變成新 Mac」,或者是「全新的 Mac。只售 $129。」現在 iPhone OS 3.0 推出了,大家齊來「變新 iPhone」吧!

已「變新」的 iPhone 3G 用家拔拔、渴望「變新」的 iPhone 2G 用家 Graham,對新 OS 的用後感是「有讚、有彈、有無謂、有多餘」。大家認同與否?

講者:會長、拔拔、Graham
混音:探長

"大蘋果, 新時代" 第十一集
http://macitizen.com/go?podcast

6/25/2009

水下進化--Aquatica-The Underwater Adventure


故事是講述一粒微生物在水中世界弱肉強食,不斷掙扎求存,簡直可歌可泣。

Aquatica-The Underwater Adventure--原價未知,不過就一定收錢,而家限時免費



遊戲圖片真係比你睇都估唔到點玩架啦,不如睇片啦



(謎之聲:E~E,尼個Game有D似曾相識喎,未好似XXYY之前好HIT個隻?)
Apple批得出,應該無事掛,不過我個人相信絕對有抄考成份架啦

- 3 different creatures to plays as.
- Over 17 levels for each creature, for a total of 57 levels.
- Beautiful, minimalist, carefully crafted graphics, effects, and animation.
- 2 different sublime, relaxing soundtracks.
- Dynamic sound effects.
- Automatic game saving feature - never lose your game again!
- Both tilt and touch controls available.


遊戲不太長,用了一小時左右就能3個難度57關全破,應該就算收費都不會太貴吧!!!

下載位置
http://itunes.apple.com/WebObjects/MZStore.woa/wa/viewSoftware?id=320211474&mt=8

6/23/2009

有彈有讚的Iphone 3.0

上左Iphone 3.0都幾日了,今晚又去錄<大蘋果,新時代>,都係講Iphone 3.0使用感受,反正都寫了,更係Post埋出卜啦。

<<有讚>>
橫向鍵盤--都幾好用,對於粗指男性,好有用。

文字簡訊--文字sms可轉寄,而且可單獨刪除某個簡訊,(有家室而又有情人之人士福音)。

Spotlight搜尋功能--Spotlight太好用了,特別是在郵件、iPod音樂庫、筆記中搜尋。(之前版本找郵件是找死人的)

股票--易左顯示股票名稱,又可以橫向來放大圖表,也可以點任意位置來查看當時價格。(不過仍不是即時)

推播通知---這也是一個不錯的功能,當初還擔心會成為廣告溫床,有勁多廣告推播通知,原來是有得選擇off的,即時安心晒。

支援 youtube帳號---ok,方便左,起碼可同步返d書籤,不過仍未有入下載及高清,用iWoopie好過啦

Safari--功能提升執行加快,並可以自動填寫用戶名和密碼,最愛佢既開啟至下一頁,不用夾硬用bookmarklet去實現了。

自動登錄 Wi-Fi 網絡--登錄 Wi-Fi 時,加入Safari,利用了自動填寫功能實現自動登錄 Wi-Fi 網絡。


<<有彈>>
電量--感覺上真係用多左,而且都幾多.....。(後記: 係半日用50%電,雖然係所有野都全開,即係差爆未必挨到一日)

速度--開 App 快多,特別是game,部份如mms就好慢。


<<勁多餘>>
MMS多媒體簡訊--終於可用了,不過不是一般的慢,是好很慢,而且對於iphone而言絕對是無謂功能。

輕搖即可隨機播放--超多餘,sleep時不能用,一定要進入左ipod控制mode才可控制,入得ipod控制mode不如直按下一首啦。


<<咪扮野,跟本一早就應該比我架啦>>
立體聲藍牙--這個功能應該一早就比我架啦。而家是傷腦筋找隻完全支援IPHONE A2DP既 藍牙耳機, 不過我估蘋果9成9會出自家藍牙耳機,問題是等唔等到/忍唔忍到。(iPhone 2G忘記這個個功能吧)

語音記事--這個功能應該一早就比我架啦。

同步記事薄--這個功能應該一早就比我架啦。

Internet 共享--這個功能應該一早就比我架啦。其實大部分3G手機都有尼個功能架啦

剪下、複製、貼上、搖動還原--雖然真係好好,好感動,但這個功能應該一早就比我架啦。

6/22/2009

一按免費上通麥記/星巴克/加州紅--Easy Wi-Fi



相信在香港用得Iphone都有好多人是3的客戶吧!你地有無善用自己既權益?
參考古文<有著數,3免費Wi-Fi上網,你應有權益!>,<3免費Wi-fi申請成功>其實我地係有免費WIFI無限可用的,需則對無限PLAN的我未必有好大用途,但對每月只有500MB的用家,實在是福音,而且免費WIFI地點都幾方便,最重要的是本來是要收費的,而在免費可用。

不過今次不是講尼個免費WIFI,(睇返兩篇古文啦)。今次是想講有了免費WIFI,但每次去到麥記/星巴克/加州紅/商場上網時,都要先進入網址,打入login name(即你的3HK電話號碼後加@3wifi.com),再入水蛇春咁長既password,仲要小心不要退出safari,否則又要再入,煩到發火。

Easy Wi-Fi --原價US$4.99,現在完全免費。(其實我是在上次14/10免費3日時下載了,來不及介紹已轉回收費,今次再度免費,機會難得。)

新手用聽個軟件都幾難,無咩頭緒,簡單講解下啦

首先要在連上Wi-Fi的情況下用y5zone去搜尋。(因3HK的Wi-Fi其實是租y5zone網絡的)


之後選Beenet y5zone,(在上幾個版本時我都是用Beenet y5zone的,新版多加了HGC WIFI,應該更適合,不過未有時間測試)


輸入login name(即你的3HK電話號碼後加@3wifi.com),再入水蛇春咁長既password

再進入Settings把自動連結設為ON


完成了,下次再到麥記/星巴克/加州紅/商場上網時,只要開啟一下Easy Wi-Fi,看圖中的WIFI連上了轉為綠色,即是已經登入了,跟著可以退出Easy Wi-Fi,是的,你沒有看錯,可以退出Easy Wi-Fi,再進入其他軟件仍保持連線,即是打要上網的遊戲也可以,要是y5zone能支援,打SKYPE也沒有問題(但相信佢唔會咁好死架啦)。
(3香港Wi-Fi無線上網熱點查詢)

非常好用實用軟件翻兜免費比你去下載,絕對沒有不要的理由

下載位置
http://itunes.apple.com/WebObjects/MZStore.woa/wa/viewSoftware?id=288328989&mt=8

6/18/2009

巧妙利用C&P,實現IPHONE單一email寄多個附件


Iphone 3.0之前,email 只能寄一個附件,上次出街做野,影左多張相片要傳回公司,只能分多多多多多個email去寄。

3.0的到來,即時可解決了,需然方法好像有點煩,但最少叫做能做到了。

先如平常進入Camera Roll,選取相片,跟著按下去相片等一會,出現了COPY字樣,點選,將相片COPY(如上圖),(在Camera Roll小相片圖時,按COPY亦可)。

跟著進入第二張相片,如平常時按Email Photo,進入電郵後,在其餘空白位按一會,選Paste,那剛剛被COPY了的第一張相片便會貼進來了。


太高興了,不用再一張一張把相片傳了。。。。。慢著如果是3張相片以上尼?

先把含2張相片的電郵存檔,再回Camera Roll,COPY相片,再回來Paste,COPY相片,再回來Paste。。。。。

煩是煩了點,但總算可以寄多個附件。

=====後記=====
多謝網友提點,原來只寄多個相片是不用這樣煩複



可以係GALLERY按左下角個掣
呢個時候會入左select mode
每tap一張相都會有個記號
搞掂就按copy或share都可以attach多張相落email

不過,C&P方法更可以用於混合檔案,即如相片+Voice memos+通訊錄,

(其實C﹠P咁方便,真係一早要比我地啦)

MMS功能帶來的問題--收費



3通知: MMS服務已生效,閣下可透過已升級至iPhone 3G 3.0 收發MMS。 發放MMS
收費為: 網 內 : M /跨網 : M (於推廣期內豁免附加費) /國際 : M+$3。於漫遊
期間發放MMS, 需繳付漫遊數據費用。詳情請參閱 3 網站。

原全不理解為何要另外收費???

可能我以前小用唔知價啦,記憶以前都是以流量去計收費,(因有人中左招send一張相用左十幾廿蚊,所以印象好深),以smartone為例,都係逐MB去收費,既然我iPhone 3G係用無限數據PLAN,為何仍要網內 : M /跨網 : M (於推廣期內豁免附加費)???

既然要收費,我何不免費地經e-mail/Twitter/Facebook等去發送...

======後記======

查看了3的詳細收費,

見其他3用戶都要比,條氣先順返小小,不過如是iPhone 3G根本無必要用佢,淨係見尼個限制
已經完全覺得MMS是雞肋.

2. 若電郵的容量超過100Kb,MMS電郵的內容將會被縮短或附件將會被刪除.

升?唔升?升?唔升?--IPHONE OS 3.0


作為一個蘋果迷好應該支持下即時升的,但亦正因是一個蘋果迷好清楚蘋果佢地衰野(十次有八次第一水硬/軟件都有鑊氣居多),咁唔升住又好應該喎....

升?唔升?升?唔升?升?唔升?升?唔升?..好煩惱呀

弊傢伙~應成左會長下星期要同佢講使用感想添,即係夾我要升啦.....

6/17/2009

Iphone 百人斬--Samurai Slash Lite


百人斬--Samurai Slash Lite畫風都幾日本,節奏又明快,最正是音效,慘叫聲及刀聲都不錯,
遊戲是要斬殺最多敵人,並且不能殺錯良民啦。

至於點分良民/敵人?
即使是女士或是武士,手持刀也是良民,一定要他已把刀拔了出來才算敵人。(我中左好多次計先知係咁分)


敵人一出來,只要用手指當成刀,一刀斬下你想斬殺部位,敵人即時被斬殺,而部位亦噴出血,而血會阻礙你下一次斬擊,必需快速用手撥開。


斬殺位置不同亦會有不同的出血量,斬手腕是最小分,亦最少出血量,身體較多,而斬首是最多分及最多出血量,因出血量又阻礙你下一次斬擊,要小心平衡選擇。

Lite版,當然免費。
不過要付費版才有血紅模式,三個難度選擇。(綠血模式玩上來硬是有些怪怪的)

下載位置
http://itunes.apple.com/WebObjects/MZStore.woa/wa/viewSoftware?id=318583643&mt=8

處男下海--MACitizen Podcast


(圖為今次錄音室內的寵物,好似叫「猫咪」,超肥,如果換成人的比例,相信名字應叫「韜韜」)
今次真係處男下海啦,半推半就咁就去左為MACitizen Podcast 大蘋果,新時代錄音,錄呀錄,錄到超晒時,今集都只係吹水講左WWDC既MACBOOK ,而IPHONE 3.0 ,Snow Leopard還未講,看來要錄多次了。

不過都好,有多D時間比我測試左IPHONE 3.0先,到時開咪插佢/讚佢都爽D啦。

咩話?你無聽過MACitizen Podcast / 大蘋果,新時代,嘩~你咁唔得喎,你唔捧會長都捧下我場啦。

用以下連結進入ITUNES內訂閱:
http://macitizen.com/go?podcast

或是在IPHONE 內的ITUNES,用MACitizen搜尋,再按訂閱即可


*註:利益伸報,本人收受左會長一杯凍檸茶的。

6/15/2009

iPhone免費股票實時報價


Iphone實時報價App是有的,128Q128Q 不過是要再另收月費才有即時報價,實在不合本人性格。
其實Iphone免費實時報價是有的,而且又不是甚麼秘技,只要找一間支援iphone的股票行即可......本來怕太廣告,而炒股又唔係個個好,先一直無分享尼個心得~~~~~~

巧遇係大蘋果眾 MACitizen 討論區有網友有需要,而會長大大又叫有好野唔好收埋.....我決定寫篇iPhone免費股票實時報價啦

真的沒有特別,先去大福開戶,因大福推出左「大福Mobile Trading」流動交易平台,其實不只Iphone,其他手機發PDA都能使用,只要於手機瀏覽器上輸入網址 http://m.taifook.com 或 http://mobile.taifook.com 即可進行網上股票交易,當然包括股票實時報價。


「大福Mobile Trading」主要提供了本地證券交易功能,包括 :
  • 證券競價盤和限價盤交易
  • 交易訂單查詢
  • 改單和撤單
  • 證券帳戶查詢
  • 股票持倉查詢
  • 查詢免費即時股價及即市新聞
其實有以上功能已經好夠用了(還有繁簡英可選),至於為什麼不用其他銀行?原因好簡單,因我用開大福,而佢尼個服務亦是特別為手機面開發,即介面簡潔了,當然不需JAVA,JAVA Applet,FLASH等等亦能交易,這當然最合Iphone用啦,而且用Iphone上手機版頁面更是快,對於要下單時更為重要。


今早一見會長大大要求,即時CAP圖測試,(有圖為証架)

為左要測試佢係未即時,我亦開埋其他網上股票報價測試,証實左是有小小小延遲的,我個人估計大約幾秒至廿秒左右(因是目測,未必準確),延遲原因可能很多,甚至3G網絡也可以令報價延遲,不過以手機版來說,比起其他要成十五分鐘延遲報價,相信幾秒應在合理之列掛???


而至於圖表方面就有明顯延遲十五分鐘啦,對於圖表派一族非常不利。


有左報價,更係要買賣啦,基本野:競價盤,限價盤,查單,改單,撤單。。。都算齊套,當然要買賣自然要比佣啦,佣金可參考返大福,貴與平就見人見智啦(我就成日覺得佢貴)。

另外要留意數據流量,由於是經網頁登入,當然要用3G上網啦,小心流量,不過,
大福同3有優惠

「由即日起至 2009年6月30日,"3香港"用戶使用大福流動交易服務可獲豁免本地流動數據之服務費用*,讓你安心瀏覽。」
*如於海外使用,漫遊時需另繳數據漫遊服務費用

可能我太遲寫聽篇野了,不過都仲有十幾日試既。

(謎之聲:咪住,唔好陰我,我見到大福開戶按金最少為港幣一萬元,又話免費???)

如何免費取得股票實時報價尼???(尼層呢自己意會下我的故事)

故事是,我為了要做股神用左港幣一萬元去作開戶按金,當然我開戶是想買股票啦,不過,開了戶及開啟了網上交易及「大福Mobile Trading」後,我突然要買canon 500D(真的),又剛好是一萬元,沒錢啦,沒有辦法,大福,請把我的一萬元提出來啦。不過我仍要留意市況及我戶口的結餘麻,所以又經常登入「大福Mobile Trading」去查詢戶口結餘及股價,當然我開戶是想買股票啦,買股票時我一定入錢的。。。。

「大福Mobile Trading」詳情
http://www.taifook.com/chi/securities/hk_sec/mobile_trading.jsp

*註:利益伸報,本人絕對沒有收過大福一毫子架

參觀,睇景,買書,做善事--忠僕號2009


一次過做晒4樣野~正尼....
參觀忠僕號--於1914年建造,是一艘被健力士紀錄認可為現仍運作中的最老郵輪,也被稱為「世界最大的海上書坊」。該船計劃於2010年9月正式退役。(唔睇無得睇架啦)
睇維港景--上左船,不是平常可到的位置,在這位置影出維港,又別有一翻風味.
買平書--忠僕號號稱全球最大的海上書展,真係唔買都睇下啦(不過尼,你唔好用會展書展去比啦)
做善事--慈善團體賣左野更做善事啦.


相關網址
http://www.omhk.org/doulos/index.html

星期日到海運,排隊都ok好快,入場費$10,ok啦善事,上到船有d小遊戲比小朋友,父母可安心閃去買書(不過,話晒都係船,跌左落海未大鑊?)

如果係拍友,難得上到船真係大影特影

再行有個特價區,d書好平,但由於海上書展是國際性的,因此英文書居多,但出乎意料,小朋友讀物都唔小,特價區硬皮小朋友讀物都係3本$30(淨買紙都唔得啦),



再行入d係書展區啦,都幾人山人海架,又係英文書居多,種類都多,不過不是我喜好,另外亦有忠僕號紀念品出售,沿路都有幾個位有小玩意給你捐錢,話晒忠僕號1914年建造,你認為甲板上會有冷氣嗎,星期日已經熱啦,書展區又係甲板上,曬左幾個鐘,焗到令我產生幻覺以為坐緊”陳年熱狗”(舊巴士).再行相信應是整隻船最多收入的一個區”小食區”,
即時撲入去買左軟雪糕食,亦是我在船上唯一支出.....食完即刻下船去涼冷氣,


估唔到即使你係船上無買紀念品,落船時都有小小紀念品派返,連個$10入場費都有返d回報...

6/12/2009

1秒破解數獨--Sudoku Grab


數獨遊戲不說在其他地方,點點是Apps Store無一千都有九百個,為什麼單單要介紹Sudoku Grab???
它重點不是在於數獨遊戲本身,而是在於破解。(當然,它還是包含了數獨遊戲的)

先想一想,在iphone上玩數獨,填不對或是錯了時,iphone還是會給你提示,或是告訴你那個出錯,但遇上最上級的數獨或是紙上的數獨,卡著了便麻煩吧!!

這時Sudoku Grab - celebrating 25000 downloads就幫到你了,原價US$1.99,現免費至25/6,仲有十幾日,有用就快手。

看看一下片


只需把數獨拍一個照,再整理一下數字(如圖片清晰是不需的)跟著真的只需一秒,即時破解整個數獨遊戲。(真利害~下次被人用數獨來考驗也能輕易過關)

下載位置
http://itunes.apple.com/WebObjects/MZStore.woa/wa/viewSoftware?id=305614901&mt=8

6/10/2009

6/09/2009

Iphone 3GS


本來都捕左係macbook前等睇WWDC,不過,因昨晚又剛好MACITIZEN集會,而且會後我又同一班獵人去左屠龍,又加上年紀大挨唔到夜,又加上.....

最後都係無睇...(真係好累架)
(獵人們:妖~佢又懶我地啦)

賣非佛~南無阿彌陀佛--非一般唸佛機


以前一般齋舖門前,都會有一個小木架架,架上放著免費的佛經/唸佛機,是由善信捐贈,以推廣佛緣,今次本地善信Bill,特為各界善男信女積陰之作品,免費的「非一般唸佛機」

軟件是完全免費下載的,一開啟,即時一班高僧係道V雲雲,V雲雲,V雲雲,V雲雲。。。。

咩話,你唔信佛?作者預左你會咁講啦,已經內置左耶穌模式,即時一班詩班係道蝦你路也,蝦你路也,蝦你路也。。。。。真係唸佛機都攪fusion

本人不太喜歡「南無阿彌陀佛」,因為真係好煩好煩好煩好煩,反而我較喜愛「般若波羅蜜多心經」,因此在我的Iphone內也有一首般若波羅蜜多心經.MP3

非一般唸佛機用途方面,作者提出的,都是攪笑吧!!!!

「非佛」用途甚廣,以下乃冰山一角:
壹:與佛號同在,往生淨土。
貳:在外地旅館住宿時不懼靈體滋擾。「非佛」設有「耶穌模式」,可謂雙重保障。
參:邊聽佛號,邊做功課,習中力更高。
肆:被上級責罵時用「非佛」,罵音變佛音。
伍:哄孩子睡覺。
陸:鍛鍊忍耐力。
柒:與此數字無緣。
捌:與此數字有緣。

相信要是正常人都不會讚同1,3﹣8項吧!!!不過,第貳點,看來還有點實際用途,相信是居家旅行必備軟件。
另外,如果出外真係咁黑撞中,不論唸佛機有沒有作用,都可拿拿林,按我要行善,即時查找慈善團體,行下善,積下陰德。(不過臨急抱佛腳咁去行善,有無用尼?)

如你是本身有用開唸佛機,要注意,通常唸佛機都會叫大家:
不需此機時,請轉送別人,功德無量

請不要把自己的iphone錯送給別人。。。。(真係硬要送,送給我好了)

下載位置
http://itunes.apple.com/WebObjects/MZStore.woa/wa/viewSoftware?id=315130943&mt=8

6/06/2009

冒生命危險都要介紹既軟件2--Cute Blonde Girls


上次出左一篇冒個人生命危險都要介紹既軟件--Cute Asian Girls>,竟然沒有給老婆大人發現(可能佢忙啦~)哈哈,既然過到骨,拿拿林,再介紹個同廠出品先。
咳咳~今次女黨員又要休息了,男黨員有重要野要做。。。咳咳~

Cute Blonde Girls--現在只免費3天,之後會轉回收費,男黨員出動~!




既然係同廠姐妹出品,用法更係用Cute Asian Girls一樣啦,詳情請睇返之前文章,
今次有名你叫Cute Blonde Girls,即係金髮女郎啦,有下翻了十多廿頁仍未見重覆或完既美女相片,而且相片及人的質素非常高,又有排「測試軟件」了。。。

下載位置
http://itunes.apple.com/WebObjects/MZStore.woa/wa/viewSoftware?id=316769573&mt=8

6/04/2009

不用JB,iphone上直接下載Youtube高清影片--Video Downloader iWoopie Lite


前文<<一個bookmark 攪掂 youtude 高清版mp4,即時下載>>好是好,但始終要經電腦,比較煩。而Iphone本身的Youtube app又陽春,不能下載,每次看同一段影片也要重新下載,最不能忍受是經3G觀看一定是低清版,即使你是無限3G也不能看高清版,簡直是過份。

好了救星來到--Video Downloader iWoopie Lite


一打開軟件,用搜尋試找,在左面點選了影片,便按在最下方按鍵作下載,非常簡單。

Video Downloader iWoopie Lite除支援Youtube外,還支援DailyMotion,不過好像還是Youtube比較出名。


點選了下載之後,當然是等待啦,由於Video Downloader iWoopie Lite下載的影片都是Youtube的高清影片,因此檔案會較大,而下載時間亦會較長。(如果是用3G就會需更長時間,不是無限3G的網友亦要小心流量)




隨手試了兩段影片,太好了,以後可以不用經電腦,直接在Youtube看片又得,下載來看又得,而且看多少次也可以,經3G下載的還是高清版啊,一個軟件解決三大煩腦。

Video Downloader iWoopie Lite 講明是Lite,作者說是有限制的:
The iWoopie Lite version has following limitations;
1. Unlimited to download videos
2. Unlimited to download per video size
3. Unlimited to download from Youtube and others.

但我已測試了多條影片,都能順利經3G或WIFI下載,完全沒有發覺有以上限制,究竟是Limited還是Unlimited?

Video Downloader iWoopie Lite還有一個唯一的缺點,在搜尋結果後的上下滾動時,就會有很卡的感覺,真是要多加改善。(但作者是日本人,我要如何比review好尼?)

在寫尼篇卜之前,我已把Video Downloader iWoopie Lite代替了IPHONE原來的Youtube app了,那Youtube app尼?被我冷落在第九版的最後一格。免費黨我唔講啦,其他人真係唔用都值得試下。

下載位置
http://itunes.apple.com/WebObjects/MZStore.woa/wa/viewSoftware?id=310141169&mt=8