12/31/2009

仆街心肺復甦法--PocketCPR


(註:今次標題不是粗口)人生在世,好多野都講唔埋,行行下街一野仆到心臟病發,又或是炒炒下股急升急跌又心臟病發,點算?更係即時找人做心肺復甦法啦(電視成日做架啦)。

維基講既:
心肺復甦術(Cardiopulmonary Resuscitation, CPR)並非單一的技術,它包含了一系列的評估及行動。近來,我們更瞭解到心跳停止並非單一的問題,因此,心肺復甦術的步驟可能需要根據不同的心跳停止之病因而有所變通,這項議題在研究者之間引起了很大的思辯,然而,爭辯只終歸到一句話:「如何使更多民眾及醫護人員學會心肺復甦術並成功的運用這項技巧?」,而搭配哈姆立克法即為基本救命術。

咪住,講到咁複習,邊個識做?學得黎都心臟病發啦。

PocketCPR (直譯)仆街心肺復甦法--原價US$5.99,現限時免費。


首先,軟件會逐步教導你整個CPR的急救程序,你只要依足指示去做即可。




到了最考人的心外壓步驟,它會叫係拿著iphone作為感應器,利用iphone去測量你的心外壓力度及速度,務求令你做出最有效的心外壓。如力度及速度不足,更會有語音提示叫你加快。

此軟件亦不希望大家有機會用,不過如果身邊有家人朋友剛巧是心臟病患者,而現在你又剛巧睇到尼篇文章,而軟件又剛巧完全免費。。。。。這便是天意了,下載佢啦。

下載位置
http://itunes.apple.com/us/app/pocketcpr/id334738473?mt=8

肯定合法的港股即秒報價--Money18 Stock Quote


因上次IPHONE免費即時股票報價--Realtime HK Stock一文出左,尼個即時報價就因「揚」左而死,攪到我都無左個免費即時股票報價,幾唔方便,不過今次唔怕「揚」了,因為今次係領正牌港交所指定實時股票報價網站出既即秒報價,應該絕對唔會死掛?

Money18 Stock Quote 即秒報價--完全免費





實測左一陣,實情係好壞參半,可以自行加心水組合,但在心水組合中只能以延時15分鐘報價,一定要按入該股票內,進入本來網站的網頁才能有即秒報價。(因此我不測試都100%肯定會係即時的)

另外有個勁蟲(bugs),當自行編好心水組合後,幾多次進入即秒報價或是離開軟件,是會隨機的令心水組合無故消失(辛辛苦苦入晒既心水組合~無晒)。又要重新入過(想死)。

而進入了即秒報價的介面亦100%是本來網站的網頁,為什麼修改多一個iphone用的簡潔版面也不做?要知用iphone來睇,不停縮放亦很不方便。

老實,今次是有點失望,只能說是比用iPhone Safari直接上本來網站為好(我一向都是用尼個方法),但絕對不能算是合格軟件。而時時報價的操控亦不方便。
(快D改革下啦,一陣炒炒下股急升急跌,操控慢又心急死人啦)

下載位置
http://itunes.apple.com/us/app/id347759875?mt=8

拍出樂高世界之樂高相機--LEGO Photo


係網上見到LEGO LAND的一草一木,盡是由LEGO砌成,真係好鬼死有心機,假如我們的世界真的由LEGO砌成,又會如何?來~即時把世界變成樂高世界吧!

LEGO Photo--完全免費

說到底,就是一個能用iphone的相機,拍出由樂高砌成的影像啦。





還有多款的樂高顏色及效果可供選擇,試了多張,還是覺用來拍大頭照最好。

(題外話:邊道有得散賣一粒粒的樂高尼?我真係想用LEGO Photo拍了照片,再真實地用樂高砌張相出來作禮物。還好,重有個多月時間去找。)

下載位置
http://itunes.apple.com/us/app/lego-photo/id347363502?mt=8

12/30/2009

傻佬跳over--PegIt


經過一輪聖誕免費軟件及遊戲狂攻,免費情況總算慢了下來,不過仍有新免費遊戲可玩的,今次又來一個漫長智力遊戲了,暫且叫它做「傻佬跳over」(個主角實在是非一般的醜)

PegIt--原價US$0.99,現免費下載


遊戲簡單,你要控制主角(真係好醜尼)利用他能跳一格OVER的能力,以有限的次數內跳均每一個人,即可過關,算是智力解迷的一種啦。



遊戲本身畫面及聲效一般啦,尤其主角(真係好鬼死醜尼)不過要清佢關亦不是易事,含108關3種難度,又是極度磨時間之作。

如果真係接受唔到遊戲時,左上會出現主角的大頭照(真係醜尼~你是火星人嗎?),真係千其唔好下載。

下載位置
http://itunes.apple.com/us/app/pegit/id342564114?mt=8

12/24/2009

識得用可以好好用的播放器--MoSS


同一樣野,只要能動一下腦筋,亦可變出好多用法。今次介一個好普通的播放器,但如果你用下腦筋,佢就會成為「識得用可以好好用的播放器」,可以一次過殺掉你iphone內多個軟件。

MoSS: Mobile Live Stream Station (TV, Cam, Radio)--暫時完全免費


好了進入了MoSS就如普通的播放器,有外國的影視頻道/電台頻道/閉路電視頻道,只要連上WIFI一按下即可收看。

完了普通的播放器就介紹完了。

「識得用可以好好用的播放器」開始,MoSS其實作者都好重點咁講左,WalnutSoft does not host any stream server.而佢地只係單絕一個支援mms 的live stream的播放器,

那麼「識得用可以好好用的播放器」重點就是可以自行加入各類的mms連結。
只要加入了mms 的server,MoSS就能連上。即時用下腦筋轉一下,輸入一個有用的mms 連結測試

等了一下。。。。。。
OH~~~真的出來了,測試時畫面一般,聲音還算OK,畫面有小許卡。[為免麻煩,圖片不上了]

既然本土的可以連上,那國內最多足球看的台尼?

等了一下。。。。。。OH~~~真的出來了,又得左。

好了,既然只要是mms就能播送,那麼,

動一下腦筋,前文iphone 收聽電台不是夢—FStream內所有電台亦能加入。
動一下腦筋,公司的閉路電視或是家中看管小孩工人的閉路電視亦能加入。
動一下腦筋,香港政府交通情況亦能加入。
動一下腦筋,在家中以VLC播放RMVB再串流出mms,那不用轉片亦能在iphone播放。。。。
暫時只想到這些
(謎之聲:係未真係全部得架?)

我只試左個多小時,當然唔知,但理論上佢支援mms,就應該是可行。

(後話:因上次IPHONE免費即時股票報價--Realtime HK Stock一文出左,尼個即時報價就因「揚」左而死,攪到我都無左個免費即時股票報價,幾唔方便,為免今次又重蹈覆轍,請大家免費黨員注意,請不要問我那個那個是甚麼mms連結,我~是~甚~麼~都~不~知~道~!

不過比個貼士大家,求教谷歌大神一定會有答案的


下載位置
http://itunes.apple.com/us/app/moss-mobile-live-stream-station/id340837680?mt=8

12/23/2009

冗員送你自家品牌iphone座--iPaperDock


你收到聖誕禮物未?你部iphone係未又四圍放?剛好,臨近聖誕就送你冗員自家品牌iphone座啦。
(謎之聲:好野,你好小咁闊佬喎!!)
咪傻啦,既然大家都有睇尼個卜,就知我絕對絕對唔會係尼種人,係冗員(制)自家品牌iphone座(PDF)

iPaperDock--原價US$1.99,現限時免費。要收聖誕禮物就快手下載啦

下載完之後,進入到軟件,選Style選一款你喜愛的紙張底紋,再按Customize進入制作自己的Front Panel,(我就更係制作自家品牌"冗員研究所"啦)


制作好之後,在左下有個信封圖示,按下,選擇列印時的紙張大小。


iPaperDock會自行制作出一個PDF並以電郵送至你指定的郵箱。


好了,最後當然是把PDF列印,再按圖示的左摺摺右摺摺左摺摺右摺摺啦。


好了成品完成。。。。(要第一時間寫卜,我個自家品牌iphone座未得閒印)

講左送一定送的,"冗員研究所"自家品牌iphone座送上。 
http://dl.dropbox.com/u/3323063/butbut-ipaperdock.pdf


想要其他自家品牌iphone座?即去下載啦

下載位置
http://itunes.apple.com/us/app/ipaperdock/id341979879?mt=8

12/21/2009

防手震相機--Darkroom Premium


不論是iphone還是其他電話,或是單反,相信手震絕對是新手最大敵人,美好時光一去不回,偏偏在拍照那一刻手震,出來鬆,郁,濛實在是不幸。
一個(古老)簡單軟件,來把iphone變成防手震相機。

Darkroom Premium (formerly Steadycam Premium)--原價US$0.99,
現聖誕限時免費




軟件有功能
- 定時器模式
- 全屏快門
- 網格
- 自動保存
- 在線相冊
-
防震感應相機

當然主力是防震感應相機,它會處於拍照模式,直至你手定下來一刻才自動拍照。
定時器模式全屏快門亦不俗,自拍時非常方便。


Darkroom Premium版本加入了在線相冊,可把拍好了的相片傳上到Darkroom的伺服器作儲存,如果是在線相冊更能以日誌形式展示相片。

下載位置
http://itunes.apple.com/us/app/darkroom-premium-formerly-steadycam/id300282121?mt=8

12/18/2009

永不趴街的SMS--Chat 'n Walk


由iphone一普及開始,相信大家一定見過人一路行一路打Twitter, Facebook, SMS, Email,亦應該見過或自己親身試過一路行一路打跟手撞牆/撞柱/撞人(當然撞得應更會趴街)。

Chat 'n Walk--原價US$1.99,現完全免費!


Chat 'n Walk究竟如何令你永不趴街尼?

一開Chat 'n Walk會出現一個鍵盤,而鍵盤上的地方就是透果攝影機拍出來的即時路上畫面,當你全神貫注打你的SMS時,你的眼睛亦不會離開路面情況,因此你應該再不會撞牆/撞柱/撞人了。

當打好文字之後,再用右上角的COPY鍵,把文章COPY,退出後再到要貼上的其他程式上再發報即可。
(作者未能完全整合發送功能,真是敗筆,唯獨仍算是創意十足)

下載位置
http://itunes.apple.com/us/app/chat-n-walk-for-twitter-facebook/id336866749?mt=8

大頭狗攝影機--FreakyCam


自拍大頭狗軟件,簡單一個凸鏡效果即成,又簡單又易用,拍出來又可愛。當然,有凸鏡效果自然有凹鏡效果,(不凹鏡絕不建議使用,極醜)

FreakyCam--原價US$0.99,現限時免費下載

全個軟件唯一設定只有 resolution
320x240 640x480 800x600 1024x768 1200x900 1600x1200

真是超簡單
忘記一提,明明降左價,但佢幅相仍然有會有個 FREE 字既 watermark,我個人就會跟手用tuzkisnap 再加個框同公仔,即時擋左個free字


下載位置
http://itunes.apple.com/us/app/freakycam/id338367930?mt=8

12/16/2009

初哥極速國畫大師--Asian Painting


前文介紹過《IPHONE水墨大師--Eastern Drawing Free》好玩又實用,不過,點都要有返咁上下繪畫功力先會有小小成果,初哥們,不~~~~怕~~~~,有《初哥極速國畫大師》包你一分鐘完成水墨國畫。

Asian Painting--原價US$0.99,現完全免費(12/10/2009 至 12/17/2009)

(因之前太忙,差D又走雞,好在係免費期完之前搶到好野。)





首先功具齊備,四款紙張可供選擇,個人最滿意就是水份的控制,非常之仔細,另外毛筆的選擇亦見心思,最後你用上後可能會覺得顏色選擇太小只有七種顏色,但我反而覺非常之好,因Asian Painting之所以隨手畫上來也成國畫,除了是因水墨渲染之外,水墨畫之常用色亦是主因。



最後,何來極速尼?就正是軟件包含的常用國畫印章,印章質素極高,隨手幾筆,加兩三個印章,即成初哥極速國畫。初哥們,畫張黎威下都值啦。

下載位置
http://itunes.apple.com/us/app/asian-painting/id322684876?mt=8

爆破拆屋專家--Implode! Lite


好多時GAME都主要係以遊戲性取勝,比如今次「爆破拆屋專家」 玩尼隻遊戲,你必需要有非常好之力學及物理概念,幾個炸彈要將整坐建築物炸毀,絕非易事。(唔知會唔會有恐份子用黎訓練學員尼?)

Implode! Lite--Lite版,完全免費

雖則Lite版,只有十版,三個難度,但尼隻係小數Lite版遊戲,能令我一試即時有想買既念頭。



順帶一提,付費版都由US$1.99減至US$0.99

下載位置
http://itunes.apple.com/us/app/implode-lite/id341926523?mt=8

付費版
http://itunes.apple.com/us/app/implode/id337180220?mt=8

12/11/2009

飛艇歷險記--Blimp


可能就黎聖誕,非常多軟件及遊戲都益下用家,突然一大堆都降價甚至免費的軟件及遊戲出籠,今次飛艇歷險記又是其中之一,遊戲極像Dos年代的直升機救人進化版~乜乜物物咁啦,聖誕免費喎。你仲等?

Blimp - The Flying Adventures--原價US$2.99,現只免費一天
(又係考驗大家有無訂閱既時候啦)


遊戲極像Dos年代的直升機救人進化版,不過今次控制是飛艇,即有個氫氣球吊住隻艇個D尼。操控亦因此而比較飄,不易控制,大致是每關有特定任務,用飛艇到指定升降點接應人員,當然中途一定會有敵軍好好招待你啦。

(下載前要留意,本遊戲是鯨量62MB,沒有WIFI/寬頻,免講)
下載位置
http://itunes.apple.com/us/app/blimp-the-flying-adventures/id317905091?mt=8

12/10/2009

詛咒之輪的寶藏 --Wheeler's Treasure


一隻非常高難度之遊戲,在海盜世界,身為海盜船長惠勒一方面保護詛咒之輪,一方面又要逃避骷髏骨,蝙蝠和鬼神,躲開砲彈

Wheeler's Treasure: Tasty Voodoo Entrée--原價US$2.99,現在只限24小時免費。
(又係考驗大家有無訂閱既時候啦)






遊戲中有道具和寶物可幫助一下,主要是收集分佈在世界各地的18個寶物,而寶物一出現你是沒有太多時間去取~難隨機生成的世界版圖,即每次打都不同~更難。別忘記要保自己條命之餘還要守護詛咒之輪~更難上

下載位置
http://itunes.apple.com/us/app/wheelers-treasure-tasty-voodoo/id335953311?mt=8

12/07/2009

跟進Realtime HK Stock


好啦,終於收左市了

今日全天候實測星期日出文介紹的 IPHONE免費即時股票報價--Realtime HK Stock

跟進如下:
Realtime HK Stock VS 某股票行提供$400的即時報價

如果以一頁六隻個股,目測延遲不多於"3秒",而且目測延遲的主因應是網路問題

如果只單選一隻股票更新更近乎是即時.....,另外因它是以aastock類的編號編排,相信期指是沒有的了.
如果以一頁去觀察組合,入貨時再獨立選一隻去更新,簡直拍得住大行的即時報價服務.

跟據以上測試,應該都真係即時報價

真係非常之好用,有埋排隊,期指,圖表,到價提示推播, 就真係 per~fit~多

12/06/2009

IPHONE免費即時股票報價--Realtime HK Stock


雖則係講交所開放即時報價時,至今已有多間公司或網站都有免費即時股票報價,我一見佢免費,就一路比較各報價網站,用iphone上最好都係 money18,不過好還好,佢點都係不是專比iphone用,成日要Zoom in用上總有點煩,現在一隻作者稱係免費即時股票報價軟件出現啦.

Realtime HK Stock--暫時係免費(第二時會唔會有鬼馬收費就不得而知了)



由於係專設計比iphone用,輸入股票號碼都方做好多。


可一次過入多個觀察列,方做睇晒自己個投資組合同心水入貨選擇。

啊沒有就是咁多。。。
(謎之聲:我好耐無出黎炳你尼,講兩句,咩都無測試就縮骨算介紹左?)

其實我都好想測試好多野,如:即時股票報價有沒有延遲,佢包含恆指及國指又有沒有延遲,是否串流報價(我估九成唔係),有沒有包含期指報價。。。。等等

但好可惜佢出品及我寫文之際,是星期日呀!朋友!今日無開市又點測試尼?
我承諾星期一早上一開市即時方測試,再分時段抽查佢報價的延遲及準確性~

下載位置
http://itunes.apple.com/us/app/realtime-hk-stock/id338810860?mt=8

12/04/2009

整色整水Zoom Zoom Zoom--Zoom Agent Lite


將iphone鏡頭加強成為Zoom的軟件之前都介紹過啦4X長鏡王--Camera Plus),都幾好用(還有加亮新功能)。不過今次尼個Zoom軟件強項在於整色整水。佢既整色整水能力絕對有動搖Camera Plus的能力。

Zoom Agent Lite--Lite版,更係免費啦(我玩左一輪,見佢所有功能都能用,不知Lite在那裡?)




首先,Zoom功能都係咁上下啦,話晒係數碼變焦,已經係極限,但Zoom Agent Lite還能提供數碼變焦而同時又高解像度的相片功能。

另外,它還有倒數拍照功能,及亮化相片功能(唯獨尼個功能輸比Camera Plus)

最後是它的強項整色整水,多款 Frame style及Fillters & Effects
card game, film, fps, instant camera, old picture, speech bubble, etc...
simple color, mix color, noise, pattern, gradation, etc...

Frame style及Fillters真係好靚,LOMO舊相再加Noise簡直一絕,相角加色加字又美觀又實用。。。。

最實用的還是加拍攝日子及時間,效果直程用傻瓜機一樣的。

下載位置
http://itunes.apple.com/us/app/zoom-agent-lite-camera-app/id337923842?mt=8