沒有選擇下的閱讀器--CHMate - CHM Reader

身為ＭＡＣ友，雖則對CHM (Microsoft Compiled HTML Help) 文件絕對沒有好感，但偏偏很多PC的HTML Help文件就是用此格式，最衰的是國內很多（極多）電子書都是以CHM為格式。今次總算是有一個能在iphone上能看CHM的免費軟件了。

CHMate - CHM Reader--原價US$4.99 ，現只免費一天
（又是考驗各位免費黨黨員的時間了，只有一天時間，快）




沒有太多時間測試，不過看文，看圖文，繁簡中文都測試ＯＫ。


下載位置
http://itunes.apple.com/WebObjects/MZStore.woa/wa/viewSoftware?id=324516521&mt=8

iphone鐵甲無敵大咕窿--Crash!! The most stupid race

鐵甲無敵大咕窿睇TBB就見人玩得多啦，今次可以一顯身手，原來要快速又要準確擺到姿勢再要對準位真不是易事。。。。咩話，你唔知咩係大咕窿？？？算啦，你都係返火星好Ｄ，地球好危險架。

Crash!! The most stupid race--原價US$0.99，現限時免費



遊戲點玩？我真係唔使講啦，如果你真係火星人請上TBB睇返啦。
順帶一提，遊戲真係好鬼難，我打極都係得14分，都上到全港第十位架，不過睇返全球最高分竟是162分。勁！（他真的是人類嗎？）

下載位置
http://itunes.apple.com/WebObjects/MZStore.woa/wa/viewSoftware?id=320151251&mt=8

搵笨老千風水佬--Jimbook

Iphone 3.0之後，更改了作者的權限，容許作者作多層或按關收費，最初看時已覺一定有奸商老千軟件出籠，一如所料，今日就剛好遇上搵笨老千風水佬軟件。令人震怒程度直迫之前＜小心卑鄙公司,詐騙/騙局軟件--3HK MiniBus＞

Jimbook--原價US$2.99，現完全免費，不過免費比都咪要
仲有要為比左US$2.99既人傷心，比2.99竟換來如此功能。



睇下軟年簡介，好長細，萬年曆，八字，紫微，卜筮正宗，都幾多野啦。
一開軟件，試下萬年曆，正常，不過無咩特別，非常低Ｂ，而且萬年曆還有錯誤。

再睇下八字，妖~完全是沒有功能，只有一個預設人物去算，要有功能必需再另付US$9.99
再睇下紫微，妖~仲衰，不單完全是沒有功能，還只是一個圖片，要有功能必需再另付US$12.99
再睇下紫微，妖~也只是一個圖片，要有功能必需再另付US$12.99

如果我是以原價買入，即我是用了US$2.99去買一個非常低Ｂ而有錯誤的萬年曆，其他什麼功能也沒有。
老千奸商都見得多，咁衰真係未見過，作者用左百幾二百字去介紹八字，紫微，卜筮正宗，但軟件內不單沒有，試用也沒有，甚至只是一張圖片，天理何在。。。。。

如真係有興趣朋友買了US$2.99﹣Jimbook，還要再多付US$9.99＋US$12.99＋US$12.99，即US$35.97（280.566港元），唔買又浪費左US$2.99，買埋即中左騙局US$35.97。

（原諒本文可能因太氣結而太多粗話，已即時去信APPLE叫佢地檢討一下）

連給還是附上吧，不過沒事最好不要下載了，免得氣頂
http://itunes.apple.com/WebObjects/MZStore.woa/wa/viewSoftware?id=319448334&mt=8

免費証件相--Photo ID DIY

世上是存在好多不可思異，如去茶餐廳食飯，同一碟飯，坐低食貴$6，而去「快努李」影証件相就更甚，同一張相紙尺寸，坐低影$45得8張，自己影再併埋去晒4R就$1.4。簡直可以入香港七不思異。

雖則我自己Ｄ証件相都係自己Photoshop併埋去晒4R就$1.4，再自己CUT成8張，但未必個個有咁既知識去整。。。。（咪傻啦PS已經係尼代人既生存必需技能啦）

尼個時候，Photo ID DIY幫到你。

Photo ID DIY--原價US$1.99，現限時完全免費







用法簡單，可以用iphone影相或是由電腦傳入iphone的相片，套用相片後，Photo ID DIY會給你選擇要晒相片的尺寸及每張証件相尺寸，或是因應用途選擇彩色／黑白証件相，Photo ID DIY便會自動計算及制作出「快努李」或是晒相店可沖所的相片，只要將那相片沖印，一張平均HK$0.175既証件相就完成。

軟件又平比你唔使錢（慳US$1.99），用佢晒証件相又慳到錢（每8張慳HK$43.6），尼次免費黨無理由唔出動啦下話。。。。

下載位置
http://itunes.apple.com/WebObjects/MZStore.woa/wa/viewSoftware?id=333267721&mt=8

廸廸尼排隊發臭時間表--Hk Disneyland Ride Wait Times

去廸廸尼玩最怕係咩？找不到米老鼠？Ｄ野唔好食？。。。錯錯錯，去廸廸尼最怕就係排隊，呆呆企係道排，直至發臭為止。

號稱世上最細的香港廸廸尼竟然都要排９彩，去睇下space mountain要45分鐘，都係睇多個先Autopia要成60分鐘，都係反兜space啦，下行轉返轉頭，天呀！而家要成90分鐘~~~無天理啊。。。。

不過今日終於米老鼠良心發現，推出了Iphone webapps，趕快試下啦。。。咩話？那裡下載？

如果你是２Ｇ已開始用Iphone便會知webapps是什麼，Iphone webapps算是App Store的前身，本來Apple想力推用webapps代替要安裝的軟件，可能是作者收不到錢，又或是必定要上網才能使用的關係，webapps似乎不大受歡迎。

既然是webapps，先進入Apple的webapps版面（題外話：尼道都有好多好用既免費webapps架）
http://www.apple.com/webapps/entertainment/hongkongdisneylandridewaittimes.html

再進入Hk Disneyland Ride Wait Times ，會自動轉至Safari.


再進入Ride Wait Times ，看所有遊戲的乘坐等候時間都齊全，便可好好安排一下攻略，力戰大６同胞，極速玩晒成個廸廸尼。

萬國翻譯機--Igoshi

一般旅行應用會話翻譯，頂多兩文三語已經係極限，咩話？你去左夏灣拿，唔識講？你又上左新彊又唔識講？點算？

Igoshi--原價US$0.99，現免費下載

正所謂「一字勝萬金，但有圖好過睇寫真」，只要用圖片表示，話知你新畿內亞定阿特蘭提斯，我都可以通行無阻。




比如要去買張車票，選擇交通系，選出車原圖，再選張數，一比個售票員姐姐就即明。
而且範圍都幾廣住宿，交通，通訊，醫療，日常生活，兒童，素食和露營都有，總有一個合用吧。

要彈，都有架！圖又唔係多，又唔係大，開啟實在是慢，而且去得旅行竟然無夜店，卡拉ＯＫ，按摩之類，作者要改進一下吧。（作者你可以成機去晒夜店，卡拉ＯＫ，按摩之類作資料搜集了）

下載位置
http://itunes.apple.com/WebObjects/MZStore.woa/wa/viewSoftware?id=323677270&mt=8

俠盗街頭--Car Jack Streets

又來一隻GTA類的遊戲，礙於功能所限，老實，到現在都未見有比GTA更出色的山寨遊戲出現。故事講主角欠下江湖大佬錢，要在午夜前酬錢還債，主角即用槍，手榴彈去打家劫舍。（有槍，手榴彈去打劫平民，點解唔去打劫江湖大佬尼？）

Car Jack Streets--原價US$4.99，現只完全免費至本星期

主要特點
-實時播放
-無限數量的刑事和合法工作 (打左一陣，跟根未見有合法工作 ）
-詳細的三維城市探索
-許多車輛盜竊及撞擊！
-大武器
-超過80分鐘的音樂　（尼個真，劫左幾架車，幾幾架車都有唔同音樂）
-網上排名的最賺錢
-隱藏的東西
-小丑？？？（小丑模式???）


雖則唔係好認同主角所為，但係，打機姐，做人世咩？
遊戲不可以說太好，因iphone的橫向，上下較小空間，行車時根本來不及轉向。
GPS地圖是大，但一定要入地圖來能見，開車時較煩。
車速太慢了，雖有Turbo及換車會快Ｄ，但仍是偏慢。
最大最大問題是方向盤，非常之不順暢，大街大巷還可以，一撞埋牆非常之難再重新操控。
還有注意，本遊戲容量是106MB需要下載５分鐘之上，下載前要先考慮。

下載位置
http://itunes.apple.com/WebObjects/MZStore.woa/wa/viewArtist?id=291690964

4X長鏡王--Camera Plus

用iphone係街頭隨手拍真的是不錯，但當要Zoom時，iphone即時投降。（除非你即時走近去拍）
現在不用一分一毫，即時賜你4X長鏡王，令iphone拍照距離拉近4倍。

Camera Plus--完全免費

基本上Camera Plus只有一個功能，就是令你的iphone增加real time 4X的數碼變焦，其餘重有橫直度，開Camera Roll尼Ｄ小功能啦。

而至於real time 4X的數碼變焦，一開始拍時，拉動Zoom bar增至4X時，Iphone的預覽畫面會變得粗糙，不過拍了照後會比粗糙的預覽畫面好好多的，雖則iphone的拍照像素不高，不過以像素「等價交換」回來的4X的數碼變焦還是可以接受的。

下載位置
http://itunes.apple.com/WebObjects/MZStore.woa/wa/viewSoftware?id=330803072&mt=8

非常抱歉，休息左一輪

因工作關係，非常之多野做，加上又多一野要去教書，不停比人迫住備課，加上又剛去了５天旅行，昨天才剛回來香港。。。。。

都莫講話iphone，連機都無時間打，屎都無無時間呵呀~~陰公

係尼段期間過後，回頭一看“蝕晒大本啦”，走左好多雞呀，好多有用軟件，遊戲都未能係免費時間下載返黎，加加埋埋都有廿幾蚊美金，非常之飲恨。希望各免費黨員係尼段期間仍有收獲啦。

終於都開始慢慢完成手頭上既工作，希望唔好再走雞啦，“免費黨萬歲”