而是小弟有份寫的"IPhone 4 Playful Pack 狂玩極樂包"一書正式出版了，應該2／3會在各大 便利店 及 PAGE ONE 有售。
話說尼個本來是因為太冗而除手東寫下西寫下的“冗員研究所”，慢慢因狂玩iphone而變成整個都是講iphone的卜，本來讀者只是朋友中的小貓三四隻，慢慢地亦多了起來。
一日，in-pubs的編輯給了我一個電郵，因看了這個卜而找我，說有本關於Iphone 遊戲的書要出，詢問我能否為他們寫內容。
（心想：咪扮野啦，尼個卜寫野咁粗鄙，出書會唔會列為三級架，保藥黨類既騙局咋話？呃我唔到既。。。。）
尼本書出到，我100﹪肯定那位in-pubs的編輯一定短左幾年命，有睇開的寫野既人都知，我慣左"我手寫我口"，加上同音字／錯別字（平常都有網友提點我寫錯字啦），編輯肯定改到天光。。。。編輯們辛苦你了～
雖則我好主張免費黨，不過既然出得書去賣，即係始終都要有售價啦，
大家就「豪」佢一次吧，支持一下吧。
