實地測試香港濕地公園--Wetland Park

好多時軟件尼家野真係無切身處地去用，是不會發現有問題，亦正因如此，好多時作者自以為好滿意，實則可能是毫無用處，今個星期日剛好有機會到香港濕地公園，當然我唔會過實地測試軟件既好機會啦。

香港濕地公園--Wetland Park--完全免費

等左半年,終於來臨的Google streetview

由見Google streetview 工程車在香港出現都有半年以上時間了, 望穿秋水, 終於可以玩下香港的實景了, 只要在地圖中加支"大頭釘", 在左手面出現了人仔選項, 點選, 即時進入streetview模式.

 下次約人食飯,可以比埋張實境圖, 出去找地方前,亦可先在streetview確定一下.....實是太好用了.....(其實無聊時候,進入去streetview找一下有趣的途人,或是順道去一下觀音廟借庫,亦非常好玩)

仆街心肺復甦法--PocketCPR

(註：今次標題不是粗口）人生在世，好多野都講唔埋，行行下街一野仆到心臟病發，又或是炒炒下股急升急跌又心臟病發，點算？更係即時找人做心肺復甦法啦（電視成日做架啦）。

維基講既：
心肺復甦術（Cardiopulmonary Resuscitation, CPR）並非單一的技術，它包含了一系列的評估及行動。近來，我們更瞭解到心跳停止並非單一的問題，因此，心肺復甦術的步驟可能需要根據不同的心跳停止之病因而有所變通，這項議題在研究者之間引起了很大的思辯，然而，爭辯只終歸到一句話：「如何使更多民眾及醫護人員學會心肺復甦術並成功的運用這項技巧？」，而搭配哈姆立克法即為基本救命術。

咪住，講到咁複習，邊個識做？學得黎都心臟病發啦。

PocketCPR （直譯）仆街心肺復甦法--原價US$5.99，現限時免費。


首先，軟件會逐步教導你整個CPR的急救程序，你只要依足指示去做即可。




到了最考人的心外壓步驟，它會叫係拿著iphone作為感應器，利用iphone去測量你的心外壓力度及速度，務求令你做出最有效的心外壓。如力度及速度不足，更會有語音提示叫你加快。

此軟件亦不希望大家有機會用，不過如果身邊有家人朋友剛巧是心臟病患者，而現在你又剛巧睇到尼篇文章，而軟件又剛巧完全免費。。。。。這便是天意了，下載佢啦。

下載位置
http://itunes.apple.com/us/app/pocketcpr/id334738473?mt=8

萬國翻譯機--Igoshi

一般旅行應用會話翻譯，頂多兩文三語已經係極限，咩話？你去左夏灣拿，唔識講？你又上左新彊又唔識講？點算？

Igoshi--原價US$0.99，現免費下載

正所謂「一字勝萬金，但有圖好過睇寫真」，只要用圖片表示，話知你新畿內亞定阿特蘭提斯，我都可以通行無阻。




比如要去買張車票，選擇交通系，選出車原圖，再選張數，一比個售票員姐姐就即明。
而且範圍都幾廣住宿，交通，通訊，醫療，日常生活，兒童，素食和露營都有，總有一個合用吧。

要彈，都有架！圖又唔係多，又唔係大，開啟實在是慢，而且去得旅行竟然無夜店，卡拉ＯＫ，按摩之類，作者要改進一下吧。（作者你可以成機去晒夜店，卡拉ＯＫ，按摩之類作資料搜集了）

下載位置
http://itunes.apple.com/WebObjects/MZStore.woa/wa/viewSoftware?id=323677270&mt=8

懶街王--Leisure Guide (行Guide)

上次香港廁王--Toilet Rush 衝廁作者都好有心有力，不過話晒要用得著衝廁都應該係大鑊野，應該無人希望會有用得著既一日。
今次衝廁作者再度出功，Leisure Guide (行Guide)--完全免費
（今次尼個軟件，應該人人都希望可以用吧）


「行Guide」讓你隨時隨地搜尋全港超過三千三百個便民設施，例如銀行、自動櫃員機 (ATM)、油站、停車場及投注站等。同時配合全球定位系統，列出你所在位置附近的商鋪資料及優惠訊息，部份優惠更可以即時於手機下載使用！




用了一下，淨係睇銀行、自動櫃員機 (ATM)、油站、停車場、投注站、便利店尼幾個已經夠殺啦，不過有Ｄ新功能如生活百貨、cafe、Bar、美容、優惠我測試時就咩都無啦，（估計可能未入資料啦）

「優惠」尼個相信會有無限潛力，好似其他信用卡推既優惠咁，行去邊睇下有咩優惠即用，又可賺翻天了。
（同樣地，作者如能好好地利用優惠去傾Ｄ合作伙伴，作者都可賺翻天）

下載位置
http://itunes.apple.com/WebObjects/MZStore.woa/wa/viewSoftware?id=324569732&mt=8

後記:
測試時是用手動定位係ｏｋ的，但用自動定位好似無咩反應，不知是否我部機既問題尼？

參觀,睇景,買書,做善事--忠僕號2009

一次過做晒4樣野~正尼....
參觀忠僕號--於1914年建造，是一艘被健力士紀錄認可為現仍運作中的最老郵輪，也被稱為「世界最大的海上書坊」。該船計劃於2010年9月正式退役。(唔睇無得睇架啦)
睇維港景--上左船,不是平常可到的位置,在這位置影出維港,又別有一翻風味.
買平書--忠僕號號稱全球最大的海上書展,真係唔買都睇下啦（不過尼，你唔好用會展書展去比啦）
做善事--慈善團體賣左野更做善事啦.


相關網址
http://www.omhk.org/doulos/index.html

星期日到海運，排隊都ok好快，入場費$10，ｏｋ啦善事，上到船有ｄ小遊戲比小朋友，父母可安心閃去買書（不過，話晒都係船，跌左落海未大鑊？）

如果係拍友，難得上到船真係大影特影

再行有個特價區，ｄ書好平，但由於海上書展是國際性的，因此英文書居多，但出乎意料，小朋友讀物都唔小，特價區硬皮小朋友讀物都係３本＄３０（淨買紙都唔得啦），



再行入ｄ係書展區啦，都幾人山人海架，又係英文書居多，種類都多，不過不是我喜好，另外亦有忠僕號紀念品出售，沿路都有幾個位有小玩意給你捐錢，話晒忠僕號1914年建造，你認為甲板上會有冷氣嗎，星期日已經熱啦，書展區又係甲板上，曬左幾個鐘，焗到令我產生幻覺以為坐緊”陳年熱狗”（舊巴士）．再行相信應是整隻船最多收入的一個區”小食區”，
即時撲入去買左軟雪糕食，亦是我在船上唯一支出．．．．．食完即刻下船去涼冷氣，


估唔到即使你係船上無買紀念品，落船時都有小小紀念品派返，連個＄１０入場費都有返ｄ回報．．．

噢均全港--免費巴士指南--Bus Guide Hong Kong

出街坐巴士，不熟路線都幾煩，即使是可以上返巴士公司網頁進行搜尋，但如遇上跨地區，真係都唔知上邊間公司找好！！！

唔使怕，又有好心人制作了免費全港巴士指南，實用度超高。

當然全港巴士路線是可以用巴士路線編號去搜查啦


找到了之後，還可詳細列出每個站的位置及車程收費。再點入每個站的位置，還可以顯示巴士站的圖片及其位置地圖。（雖則聽個應是取自巴士公司網頁資料，但用上來真是好方便）


最強項來了，當然是地點對地回搜查，比如是由旺角去銅鑼灣，基本上３間巴士公司共有十多條路線都途經，這時，跨公司的軟件便好有用了，一找之下，再比較一下價錢及位置，即時可找到一條最平最近的路線，好過分開３次上３間巴士公司網頁去查。

而且當要去的目的地沒有直接路線可到時，更會提供轉乘方案。（真係非常之貼心）

Bus Guide Hong Kong真係實用度超高，要找缺點也不易，不過，我咁出名奄尖腥悶，總有Ｄ位比我抽秤到既，如：
沒有用GPS定位，有的話，可知那一個站更近自己。
沒有提供地鐵及小巴的路線及轉乘方案，有埋就應該全港通行了。
（不過已經非常非常非常之不錯了）

又有心，又好用，又實用，真係找不到一個理由不用。快出動！！！！

下載位置
http://itunes.apple.com/WebObjects/MZStore.woa/wa/viewSoftware?id=315129293&mt=8

食通全港,史上最強食評--OpenRice 開飯喇

等了又等，等了又等，開飯喇，終於出左Iphone版了，（以後不用再用MOBILE版去睇了）
其實之前亦有同類軟件推出過，如御飯情報，新假期餐廳搜尋。

但為什麼OpenRice 開飯喇，我覺已可稱得上史上最強？沒錯就是「食評」
雖說御飯情報，新假期餐廳搜尋亦不錯，但是一對比起OpenRice 開飯喇的「食評」數量/質量/更新度。。。

要知，既然上網找食肆，即是想找人推介，同一間食肆，一個軟件只有6-7個食評而且是三個月前留言，另一個軟件有283個好評19個負評，最近一個是三日前留言，相信大家都可想而知「食評」的重要。




而我個人更愛看是OpenRice的負評，可能它沒有很大利益關係，負評更是「插得應，踩得盡」



發噏瘋太多，差點忘了介紹功能

1. 配合GPS 定位功能瀏覽所在位置附近的餐廳資料（尼個配得Iphone就必有功能啦）
2. 以關鍵字搜尋餐廳名稱、地址及招牌菜（招牌菜好重要）
3. 以地區、菜式、食品、食店及價錢進行篩選
4. 一按即撥功能（訂位都方便）
5. 以Google Map 顯示餐廳位置（尼個真係超好）
6. 檢視餐廳照片及食評（最緊要都係食評食評食評食評。。。）

下載位置
http://itunes.apple.com/WebObjects/MZStore.woa/wa/viewSoftware?id=310663323&mt=8

香港廁王--Toilet Rush 衝廁

有肚痛，個肚嘰哩咕嚕，
作為冗員，出街蛇王遇上肚，真係大件事，無理由返公司解決架！！！
Toilet Rush 衝廁--是全港唯一的手機流動廁所指南，現在免費下載

軟件功能包括：
- 全港各區廁所資料
- 廁所統計資料及評價
- 地圖顯示廁所與你身處的位置
- 互動平台，你可以即時向其他用家提供隱世廁所位置，亦可以隨時評價每個廁所

＊本軟件需配合互聯網連線使用
＊只提供香港境內廁所資料


你還可為大眾提供廁所位，仲可以比星評級。（咁就可以選間正既去方便啦）

好了，我當然唔會就咁介紹就算啦，今日在灣仔，太古，筲箕灣３個地點進行測試

灣仔結果是最好的，100%中廁所都好近，可能我剛好在修頓球場附近啦

其次是太古


除了提供廁所位外，還有清晰地圖，痛著個肚都可速速去

筲箕灣就出事了，當時身在東大街，用了100m去找，


得出沒有結果？？？


再找遠一點，結果是找到了，但位置是要去到太古城，（如真是肚痛，相信死得了）


但轉以人手尋找筲箕灣區，卻找到了三個結果，我亦相信尼三個位置比太古城廁所近
（因此相信好有可能是BUGS）

缺點當然有啦，全部數據都在SERVER，每次都要下載比較慢，而廁所資料亦覺不足，最後當然是搜索廁所位置出現的地區錯誤BUGS啦。

（謎之聲：超~你次次都雞蛋挑骨頭架啦）
提出缺點，當然是想作者作出改善，令軟件更完美啦。

（讚返下先）
Toilet Rush 衝廁真是好有「心」之作，（整個食肆軟件都話可以收下廣告費，廁所邊有人比廣告費呀？）
而且還以免費軟件推出，又是香港人作品，點都要支持下。

下載位置
http://itunes.apple.com/WebObjects/MZStore.woa/wa/viewSoftware?id=310722636&mt=8

Iphone 34種語言翻譯軟件--Mobile Translator

34種語言，要你數出來也難，還再說學識一種半種，現在，Mobile Translator原價US$2.99，現免費給你全打包，全部34種語言都能互相翻譯。

但免費下載只有「２日」，只限22/11-23/11，現在是23/11凌晨3:00，大家有幸看到本文，還有二十小時以上去下載，真係要快手。

34種語言包括：
- English
- 日本語
- Français
- Español
- Deutsch
- Italiano
- 中文
- 한국어
- Български
- Cat
- Hrvatski
- Česky
- Dansk
- Nederlands
- Filipino
- Suomi
- Ελληνικά
- עברית
- हिन्दी
- Indonesia
- Latviešu
- Lietuvių
- Norsk
- Polski
- Português
- Română
- Русский
- Српски
- Slovenčina
- Slovenski
- Svenska
- Україна
- Việt
- العربية

（唔好問我上面係咩語言，我都唔知）


用法簡單，只要選好翻譯之語言，打入要翻譯之句子，做即時為你翻譯。
（謎之聲：有問題喎，軟件只有0.2m係未假架，而且還翻譯錯喎）

那樣，要先看看Mobile Translator是如何作翻譯的了，原來Mobile Translator是利用google translate作為翻譯的引擎，因此0.2m只是個把文字傳上google translate，再把結果傳回，絕對合理。
另外，亦因是用google translate，便能翻譯出句子，當然是同時亦避免不了軟件翻譯的通病﹣﹣翻譯錯誤，但整體上翻譯還是可以接受的，難道google translate是白晃了那麼多年嗎？
（但我個人極不理解，為何日文doraemon會翻譯出大雄）

由於它是用google translate，引伸出另一問題，數據量問題，在本地作翻譯還是小數金錢，如想用作旅行時的翻譯用，那就要看當地能否有數據服務及其數據漫遊收費了，小心因免費軟件而得不賞失。

下載位置
http://itunes.apple.com/WebObjects/MZStore.woa/wa/viewSoftware?id=293614976&mt=8

IPhone旅遊會話軟件(英文>普通話)--免費

當去旅行時，尤其是言語不通地方，常出現言語笑話，更甚是如果生病,旅遊會話可能會救返你一命,但由於免費旅遊會話軟件真是很有限，就今次介紹軟件而言，原價US$6.99(實是貴),

Lonely Planet Mandarin Phrasebook
英文翻譯普通話旅遊會話軟件，
內含11個分類，600句常用語句,更附真人發音.


11個大分類，應該日常使用都足夠應付了



早d有佢，當然唔用身體語言講尼句啦．．．

原價US$6.99，不過而家免費下載，此軟件的實體書版本都要hk$100啦，而家免費比你，重有埋發音，你重等?

又係個句啦，咪執輸~~冗

下載位置：
http://appshopper.com/link/lonely-planet-mandarin-phrasebook