IPhone IPad 怪招睇新聞組(newsgroup)

IPhone IPad 對新聞組的支援可以說近乎0，雖說新聞組算是上個世紀的產物，但仍受一眾狂熱者愛戴，在App Store眾多軟件中死找爛找，亦只能找到PhoNews及NewsTap，兩者對BIG5的中文新聞組又是多多問題，NewsTap好一點，但對排序及觀看亦是不便，而且IPad版更是收費，實是。。。沒有辦法下只好自己找方法好了。

好了，說出怪招就是﹣﹣﹣﹣﹣用網頁版的新聞組吧，如：http://www.nntp.hk/ 或 http://www.put.hk/ 用瀏覽器來看。

（謎之聲：喂！你當我傻仔呀，用nntp睇，真係3歲都識啦，使你教？）

首先，由於nntp等都是開發給桌上電腦的瀏覽器用，完全沒有顧及IOS的瀏覽器。因此如直接用IPhone IPad 的 Safari去看，會發現頁面被強行拉長幾里，原因應是Safari一支援頁面中分割出的scroll頁面，如下圖一樣：

每次看一個題目就要scroll幾十次去到最底睇內容，再scroll幾十次頂再選下一題目。。。水蛇春咁長，“卒”到爆芒都字睇完，簡直自找麻煩。

好了怪招出場，既然Safari是能看，只是同時看題目列及內容麻煩，那分開兩個不就成了嗎？

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Super Prober Web Browser Free﹣﹣完全免費

先是IPad版，下載好後，開啟兩個空白頁，在其中一個輸入http://www.nntp.hk/再找到你想看的新聞組，再進入題目，跟著按下右下角兩個頁面的下頁面，那麼，現在即使在上方按下的連結都會強制由下方的頁面開啟，再打開全螢幕，看～～～終於可以舒舒服服的看新聞組了。

當然，你可以為上方的頁面加入書籤，方便下次再看，而回覆及更新新聞組就如平常使用網頁版一樣。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

iNetDual Lite﹣﹣完全免費

IPhone 方面比較卡手，因IPhone螢幕細小，效果不及IPad來得好，同樣地下載好後，先在上方的1號頁面輸入http://www.nntp.hk/再找到你想看的新聞組，再進入題目，跟著按下左下角的2號按鍵，那麼，現在即使在1號頁面按下的連結都會強制由1號頁面開啟，再打開全螢幕，建議橫看會比較好～～～終於連IPhone都可以舒舒服服的看新聞組了。

IPhone上用，我覺題目列放在下面，上面來自內容會比較方便。


自用了IPhone後經過3年多沒有新聞組的日子終於可以結束了。雖則新聞組是較小眾人的玩意，希望此怪招對新聞組狂熱者有幫助。

（其實，怪招主要是找一個能分割頁面及強制於副頁面開啟的瀏覽器，如大家發現更好的瀏覽器或方法，不妨分享一下。）


下載位置
Super Prober Web Browser Free
http://itunes.apple.com/us/app/super-prober-web-browser-free/id415843444?mt=8


iNetDual Lite
http://itunes.apple.com/us/app/inetdual-lite/id332407518?mt=8

萬用文件閱讀器--ReaddleDocs

其實我一直都認為對於一個進階用戶，iphone真得是需要一個檔案管理及文件閱讀器，可惜apple就是以最簡約想法來做，當然做就了文件閱讀器軟件出現，如果你仍未有一個免費而又合用的萬用文件閱讀器，ReaddleDocs可能是一個不錯的選擇．

ReaddleDocs－－原價US$14.99,，極短限時免費，快！

ARPG 魔手獵人--caligo chaser

一個打破傳統風格的動作RPG遊戲在，每個地圖是連上來方便iphone的小螢幕，自動水平滾動打破屏幕大小的限制。令人震驚的精美人物和怪物設計，任務流暢，更有多項隱藏要素，最小也要幾十小時才能從黑暗的力量中解救Emporion城！

caligo chaser--原價US$2.99，現限時免費

萬般皆帶走,唯有NAS隨身--WebAccess i

iphone連上硬碟軟件多的是，不過如果資料敏感就非常之不安全了，另外把電腦作伺服器再經由iphone軟件閱讀也是多的是，不過如關了電腦，又變成得物而無用，終於，有一樣野你反正都要長開不關的，而又是你個人有擁，不會儲存於公開的侗服器中~~~~~那就是NAS了。用iphone直接連上，幾十TB都能隨身，簡直是萬般皆帶走。

WebAccess i---原全免費（只支持Buffalo NAS)

Iphone/Ipad下載高清Youtube影片利器--MiTube

MiTube講個名一定無人識,不過如果講MxTube相信好多ｊ開既朋友都知係咩，能選擇下載或是串流睇Youtube，而且可以選擇清晰版或是流動版，轉過個名，改為有廣告版，就明正言順登陸iphone了．

MiTube--Iphone/Ipad兩用有廣告版，當然是免費啦

名將戰記--Highborn

2D+3D結合中世紀名將，魔法，妖獸，以回合式戰略，精心步處軍隊陣形，在地圖中移動軍隊捕捉神秘點和接收法術並使出援護攻擊，然後潛入樹木並對敵人來一個偷襲！。。。非常之不錯的ＳＬＧ遊戲。

Highborn--原價US$4.99，現只免費一天

掃馬窿終於出左plan啦

我都就完約，真係要細心計下數 ，睇下點樣最抵先

http://www.smartone-vodafone.com/jsp/iPhone4/tchinese/price.jsp

iphone攞你命三千--AppTools 100 in 1

本卜宗旨除了免費之外，我亦幾堅持一定要親身試左係好野先會介紹，不過今次，即使「宅」如我都放棄了完全試用，媲美聞西經典之作﹣﹣iphone攞你命三千，絕對是殺App，殺Iphone，殺試用者之作（即係殺我）。

AppTools 100 in 1--原價US$0.99，現限時免費

史詩式浩翰世界中文MMORPG--帝國Online

六日無寫卜，我忙咩？除放假之餘，主要是沉迷左尼隻中文MMORPG遊戲，遊戲世界之大，故事之精心設計，簡直令人一玩即沉迷，而最好是遊戲設計者對遊戲之細心設定，絕對說得上是必玩之作。

帝國Online--應該是完全免費
（但遊戲內有部份是需付費換銀是可以換取強勁道具及其經驗值）

3年，足足3年先出的MSN--Windows Live Messenger

老牌通訊軟件ＭＳＮ，終於自有App Stroe後的３年，才終於有官方版本登場，雖然是慢左好好好多，不過仍是有點期待，對於一位MAC友及iphone使用者的我而言，MSN真的還有需要嗎？

 Windows Live Messenger--當然是FREE啦

隨時隨地香港電台--RTHK On The Go

香港電台話晒公營機構，做野更慢Ｄ架啦，終於都包尾出埋個iphone版軟件啦，包尾出唔怕，多左咁多時間，只要出返對應咁上下質素，都叫可原諒啦。用足一天，又睇下出時包尾，質素又係唔係包尾？

RTHK On The Go--完全免費

回歸母體的Tweetie--Twitter

如果一講Tweetie，應該好多Twee友都識，特別是MAC型人，不過Tweetie正正式式係尼個世界上消失了，Tweetie在早前正式回歸Twitter母體了，（即係被Twitter收購了）經過一返整合，正式成為Twitter官方的唯一軟件了。恭喜~恭喜（係Twitter第三方軟件百花齊放之下，竟然至今才有官方件）

Twitter--本來Tweetie都要US$2.99，既然叫得做官方軟件，當然完全免費啦。

一試之下，令人非常難忘，首先Twitter速度飛快，比我用開的twitbird Pro更快。不論反應，介面，下載都非常之順暢，Twitter狂一大福音。

其次支援不需登入，甚至沒有Twitter Acc.亦可以搜索及觀看其他人的微卜，Twitter被稱為微卜始祖，微卜（微博）就是想與人分享，當然那人未必一定認識你啦，那就像以「隱身模式」去看他人的微卜吧，這點就比其他第三方軟件更貼心。

而 Twitter另一大特色當然是retweet/reply啦，今次操控非常方便，只要橫向掃過留言，就會出現操作功能，能在同一個畫面就能即時retweet/reply/XX/YY/鍾意點都得了。

一人多身份，係大勢所趨，Twitter亦支援多身份登入。（不過不能混合顯示，有點失色）

今次Twitter官方軟件一出，應該眾多第三方軟件真係腳都震，第三方軟件真係要快快加更多新功能，再快快免費開放任用，以對抗本尊了。

下載位置
http://itunes.apple.com/hk/app/twitter/id333903271?mt=8

快與醜瀏覽器的決擇--Opera Mini Web browser

Opera Mini 經歷千山萬水終於成功上架，不過你出得有係未等於成功？？？在未出之前，各方新聞及Opera本身的Demo片段都想表現出重要賣點~快，事實又係點？

 Opera Mini Web browser--完全免費

首先，好用九宮格真是方便好用。

跟著多重Tab下載／轉換，及全螢幕模式，都應已經能打死好多第三方免費瀏覽器。

還有個好處，就是當按上一頁時，在Safari時，常因記憶身體問題而需要重新下載一次，Opera則能在不需重新下載的情況下立即回到上一頁。

此外，Opera Mini 是以代理方法連到代理server，會不會對「翻牆」有好處？

好了重點來了，速度，如以最速設定 ：影像品質＞低，手機模式＞開，沒錯是快了，但手機模式亦不是一般的醜，千山萬水先離開醜醜的落機啞瀏覽器去到靚靚的Safari，實是接受不到。

再來，次級設定 ：影像品質＞低，手機模式＞關，快只是比Safari快了一小點，效果就。。。。

走位都幾嚴重，細看相信是文字重排而引至的，在瀏覽時，簡直是醜得要命，所有字變成如假字一樣，跟本不能閱讀，相比之下Safari簡直是靚絕。

另外，Opera Mini原來還有隱藏的問題，先是瀏覽的技術是以如代理方法連到Opera Mini server（以我理解），即係我所有login/Password/Acc/留言紀錄，都會係Opera Mini server有紀錄。。。。即時感覺好鬼危。

而Opera Mini的通訊協定有socket及HTTP的選項，不知它如用socket是行那一個port，用錯了小心額外的數據單突然暴漲，特別是數馬濃客戶。

好了，始終我不是專業技術人員，都有好多的不安及問題，不過只單純的在「快小小但醜」及「慢小小但勁索」之中作選擇，我還是很輕易的有了答案。

下載位置
http://itunes.apple.com/hk/app/opera-mini-web-browser/id363729560?mt=8

後記：
有網友說Opera double tap Zoom IN後，再double tap沒有Zoom out，是有的，不過double tap是要在空白地方呀。

袋中傳說ARPG--Pocket Legends (3D MMO)

一隻其貌不揚，但全3D，暗黑破壞神（Diablo）式ARGP遊戲，打打下，又打左成個晚上，細玩之下，更發覺作者非常比心機寫，即使是要連上網絡對打，亦反應ＯＫ，而網上朋友相約群毆，亦相信是一大賣點。。。。。甚麼？賣點？晒勁既遊戲完全免費已是最大賣點啦。

Pocket Legends (3D MMO)--竟然係完全免費 

首先，要玩聽隻遊戲，一家要開一個ACC，填好晒野就ＯＫ了（我最憎又要開一個新ACC）

跟手選擇職業，（Diablo）式，有戰士(熊)，法師(貓)，射手(鷹)，當然係例牌各有善長能力投能啦。

出去選入房間，選擇版圖，多人相約群毆，爽呀，（今晚我試過３﹣４人同一版圖，都不會太lag）
而遊戲亦可以加入朋友組隊去打怪。（我個ID:butbutx）

特點：
- 3D實時網絡遊戲持續 iPhone
- 在所有播放設備　(2g, 3g, 3gs, touch)
- 全球多人連線對打
- 客戶機 /服務器架構支援數以千計的玩家
- 升級和定制您的頭像＜﹣﹣﹣（我找不到那裡去改）
- 成千上萬的戰利品項目
- 幾十個魔法及技能
- 定期內容更新

畫面算是一般啦（太可愛打ARPG有點不慣），一講係RPG，就一定離不開升尼／買裝備／加投能／學魔法。。。。

自動追蹤攻擊的操控有點怪，其餘完全無可挑剔，（又要寫隻GAME，重要起埋SERVER去比你地入黎玩，而且定期內容更新版圖，但竟然免費唔收錢，點樣挑剔得落手呀）唯一擔心是上癮後係街都用3G狂打而引致極大數據費吧！

下載位置

http://itunes.apple.com/hk/app/pocket-legends-3d-mmo/id355767097?mt=8

****留意*****

天下果然是沒有免費午餐, game是free,可以打最初地圖,最高去到13lv,要再打下去?

多謝每個地圖us$1.99......(算數,打到13lv只好收手了)

樓市?樓屎?--尾攣樓價走勢圖

話說幾日前，老婆大人都向我提議了要再多買一層樓來「投資」一下，我心想「爆了，快爆了」，連一向都不談投資的老婆大人都被 "C9lization" 了，我相信樓屎好快見頂了，死啦，見頂未奶晒野？不~~~怕~~~快快用尾攣樓價走勢圖目及實個市，隨時出貨。

尾攣樓價走勢圖--應該一定唔會收錢啦（收錢就無人用啦）

（註： 尾攣樓價走勢圖＜﹣﹣大家明邊間就算啦，無謂幫佢賣廣告）

- 全港主要屋苑樓價走勢圖
- 現時主要屋苑放盤資料
- 每日更新主要屋苑成交資料
- 主要屋苑屋苑網上樓書
- 提供聯絡協助放盤或揾樓
- 利用iPhone的定位功能，搜尋用戶身處地點附近的屋苑／樓盤
- 用戶可揀選有興趣之物業組合，隨時隨地察看基本或者最新資訊

最好是可自定屋苑及放盤資料，設定左自己個屋苑，升跌一眼見，一見有事就好快閃，亦可設定左個目標屋苑，一見跌說即時入市。。。。（開始自我分裂添）

而每日更新主要屋苑成交資料，更可即得找到對於業主們提價降價亦非常好參考。

不過如果有埋詳細屋苑資料，照片，位置，及租務價格方回報參考就「婆飛多」

下載位置
http://itunes.apple.com/hk/app/id353103343?mt=8

等左半年,終於來臨的Google streetview

由見Google streetview 工程車在香港出現都有半年以上時間了, 望穿秋水, 終於可以玩下香港的實景了, 只要在地圖中加支"大頭釘", 在左手面出現了人仔選項, 點選, 即時進入streetview模式.

 下次約人食飯,可以比埋張實境圖, 出去找地方前,亦可先在streetview確定一下.....實是太好用了.....(其實無聊時候,進入去streetview找一下有趣的途人,或是順道去一下觀音廟借庫,亦非常好玩)

跟進Realtime HK Stock

好啦,終於收左市了

今日全天候實測星期日出文介紹的 IPHONE免費即時股票報價--Realtime HK Stock

跟進如下:
Realtime HK Stock　ＶＳ　某股票行提供$400的即時報價

如果以一頁六隻個股，目測延遲不多於"3秒"，而且目測延遲的主因應是網路問題

如果只單選一隻股票更新更近乎是即時.....，另外因它是以aastock類的編號編排,相信期指是沒有的了.
如果以一頁去觀察組合，入貨時再獨立選一隻去更新，簡直拍得住大行的即時報價服務．

跟據以上測試，應該都真係即時報價

真係非常之好用,有埋排隊,期指,圖表,到價提示推播, 就真係 per~fit~多

IPHONE免費即時股票報價--Realtime HK Stock

雖則係講交所開放即時報價時，至今已有多間公司或網站都有免費即時股票報價，我一見佢免費，就一路比較各報價網站，用iphone上最好都係 money18，不過好還好，佢點都係不是專比iphone用，成日要Zoom in用上總有點煩，現在一隻作者堅稱係免費即時股票報價軟件出現啦．

Realtime HK Stock--暫時係免費（第二時會唔會有鬼馬收費就不得而知了）



由於係專設計比iphone用，輸入股票號碼都方做好多。


可一次過入多個觀察列，方做睇晒自己個投資組合同心水入貨選擇。

啊沒有就是咁多。。。
（謎之聲：我好耐無出黎炳你尼，講兩句，咩都無測試就縮骨算介紹左？）

其實我都好想測試好多野，如：即時股票報價有沒有延遲，佢包含恆指及國指又有沒有延遲，是否串流報價（我估九成唔係），有沒有包含期指報價。。。。等等

但好可惜佢出品及我寫文之際，是星期日呀！朋友！今日無開市又點測試尼？
我承諾星期一早上一開市即時方測試，再分時段抽查佢報價的延遲及準確性~

下載位置
http://itunes.apple.com/us/app/realtime-hk-stock/id338810860?mt=8

一雀三味twitter雀--TwitBird Premium

自上次＜免費實用twitter雀--TwitBird Pro＞一用，簡直是愛不釋手，TwitBird Pro已成為我iphone內預設的twitter軟件，咩話？你上次走左雞？

好在作者亦比較懶，推出99.9%相似之一雀三味
TwitBird twitter push notification（即你走左雞既TwitBird Pro，而家要收費了）
Twitter on TwitBird（即Free版TwitBird Pro）
TwitBird Premium（即今次主角）

TwitBird Premium--US$1.99，現限時免費




基本上三隻野都九成九相似，作者竟然一雀三味，分三個軟件賣（奸商得佢呀！），但亦分三次免費（好人得佢呀！），都唔知讚唔讚佢好。

功能上真係用同TwitBird Pro大同小異。Multiple Accounts ，橫向操作，同埋可以睇返出Twit既上文，無廣告。。。我試左一小時，都找不出有大分別，最後發現好似只係小左推播功能。

如果你係尼個卜既忠實卜友，即一定係Free時下載左TwitBird Pro啦，咁尼隻可以不試了。
如果你係Twitter on TwitBird或是其他twitter軟件用家，咁一定無理由唔試下TwitBird Premium（反正免費）

下載位置
http://itunes.apple.com/us/app/twitbird-premium/id307876729?mt=8

一圖貼萬家--PhotoScatter

好多時係iphone打機，打到爆機更係即拍落黎，再同好友分享，但有時又要貼Facebook，又要貼Picasa，又要貼Twitter ，你都未話唔煩。

而家一個軟件，實行一圖貼萬家

PhotoScatter--原價US$1.99，現只免費一天
~免費黨~快






軟件支援：
Facebook
Flickr
Shutterfly
PhotoBucket
Picasa
Twitter (twitpic)

只要設定好帳戶，選好圖片及要上傳之地方，再加入圖片之說明，一按上傳，即時一圖貼萬家。
（我有時爆機圖，試iphone app圖都係咁上傳上Picasa架）

下載位置
http://itunes.apple.com/us/app/photoscatter/id321718584?mt=8