冗員研究所

近來忙於與PSP搏鬥，很久沒有把玩IPHONE的遊戲，不過新年就到，PSP是很難與一大班親朋共享，反而這方面IPHONE就優勝很多，細找之下，找到一隻有趣的PARTY GAME，如果是“獎門人”的粉絲，就更加不要錯過，拜年期間，絕對是雀局以外的另一選擇。

開口中SUPER--暫時完全免費

上次男人禁忌軟件引來迴響很大，今次當然要再深入一下男女關系，一個軟件，甚麼古怪功能都沒有！單刀直入，有齊全香港時鐘酒店的指南及評分。讓大家快速地找到你附近的時鐘酒店，並且即時打電話預約房間。（有無咁心急先？）

香港時鐘酒店 Guide－－完全免費
（如已婚男士下載了，但不是與應該去的人同去，之後要付出可能是身家的一半）

一個軟件，多項功能集於一身！不過，如有男黨員發現女伴的IPHONE中有此免費軟件，就要小心了，你的銀包已經進入最高警戒級別，小則傷皮入骨，重則直傷五臟六腑，小心．（快快檢查女伴的IPHONE）

MaBelle－－需則是完全免費，下載後可能後患無窮

大行做事好多時只顧自己利益，如細價樓盤／租盤無咩肉食，都未必咁出力去sell，而且為本身利益造市亦是閒事，今次地產樓宇軟件由星島出版，公信力即時大增，而且仲包括埋租盤，買唔起既睇下租盤都得，買左既研究下收租既回報又得，得左！！

星島地產－－完全免費

一部iPhone！加上keep fit四俠，任何地方！任何時間！隨時健身，真係行到邊fit到邊。4名教練將支持每天練習！您還可以自定真正的體育健身鍛煉，並用日曆記錄熱量的消耗，把整個收身過程紀錄。

Fit for Rhythm--完全免費

$10餐,~~~~~太古區無Burger King ~~~蝕左啦

25/5係咩日子？想爆都真係唔知，應該唔係結婚紀念日掛（如果係而又無準備，肯定死得好可憐），原來25/5係世界塔羅牌日，當然世界塔羅牌日之中最好既禮物就更係免費塔羅牌啦。

Beautiful Tarot--原價US$3.99，現只限世界塔羅牌日免費
Beautiful Tarot HD--原價US$４.99，現只限世界塔羅牌日免費

又有新又免費的即時股票報價軟件了，今次輪到終於AAStocks出啦，雖則佢係後者，看來實力也不錯，好啦，你可能會話上文"肯定合法的港股即秒報價--Money18 Stock Quote"又彈三彈四，跟手ETNet 經濟通都出左啦，你又唔介紹？啊~你歧視。

AAStocks Mobile --當然係完全免費啦

好啦，Money18 Stock Quote我只能講是好壞參半，而ETNet 經濟通重衰，我用左ETNet成幾分鐘都找不到即時報價在那裡。（看來是沒有即時報價的）

今次 AAStocks似乎表現最好，財經新聞，股評，財經資訊完全齊全。延時的個股報價，股證溢價、引伸波幅、價值狀況都應有盡有，非常詳盡。（留意尼個都係延遲的）

二十大活躍股票、認股證及牛熊證，真係炒咩都得。

“我的報價”，可自行編好心水組合後，一按即時更新所有資訊。（留意尼個都係延遲的）

好了，戲肉來啦，在延遲的個股報價中，按下查看即時報價，會跳到去AAStocks的網頁，在那裡再輸入多一次股票編號（奇怪的BUGS），就可取得即時報價了。

謎之聲：車~咁未同 Money18 Stock Quote一樣之麻？

非也，Money18進入了即秒報價的介面亦100%是本來網站的網頁，要進行縮放才能輸入股票編號，再幾多次縮放才能看到即時報價的資訊。又縮又放又縮又放，個價都跳左九里遠啦。

反觀AAStocks Mobile ，進入即時報價，是要再輸入多一次股票編號（非常之傻），不過不用縮縮放放，即時在同一位置，右下角已能看見即時報價，算是比較優勝。

不過，都係個句，既然都特別出一個APP,為什麼修改多一個iphone用的簡潔版面也不做？
（可能是同批出即時報價的條款有關掛？）

下載位置
http://itunes.apple.com/hk/app/id368726182?mt=8

有些人，有些話，實是不知如何開口，不如借「堂百苦」之勢，來一首律詩，我估朋友們總會意會的：快襟詩思有清風，快閣東西倚晚晴，還有清光同此會，錢塘江靜月華明。

全自動作詩機--暫時完全免費

只要任意輸入用字或人名，點擊“作詩”，就可以生成一首押韻的藏頭詩！
字句隱藏在其中，是送給情人或是追收債項之恩物。。。。

不過有回要彈啦，辛辛苦苦作好首詩，竟然無得MAIL出去，要我由頭打一次，真是一大敗筆。

下載位置
http://itunes.apple.com/hk/app/id364295311?mt=8

MacTouch--------一開波即斷 ~~ iPad
9.7"顯示器--------中左
4GB Ram--------無講,當和啦

60GB SSD--------中左

Mac OS 10.6 特別版--------中左（比人抽秤，中空寶添，輸埋）

Apple自家 CPU--------中左

~~４中１輸１和，算係口咁啦．．．又要儲錢了~~

３中２輸１和，算係口咁啦．．．又要儲錢了

MacTouch
9.7"顯示器
4GB Ram
60GB SSD
Mac OS 10.6 特別版
Apple自家 CPU

(註：今次標題不是粗口）人生在世，好多野都講唔埋，行行下街一野仆到心臟病發，又或是炒炒下股急升急跌又心臟病發，點算？更係即時找人做心肺復甦法啦（電視成日做架啦）。

維基講既：
心肺復甦術（Cardiopulmonary Resuscitation, CPR）並非單一的技術，它包含了一系列的評估及行動。近來，我們更瞭解到心跳停止並非單一的問題，因此，心肺復甦術的步驟可能需要根據不同的心跳停止之病因而有所變通，這項議題在研究者之間引起了很大的思辯，然而，爭辯只終歸到一句話：「如何使更多民眾及醫護人員學會心肺復甦術並成功的運用這項技巧？」，而搭配哈姆立克法即為基本救命術。

咪住，講到咁複習，邊個識做？學得黎都心臟病發啦。

PocketCPR （直譯）仆街心肺復甦法--原價US$5.99，現限時免費。

首先，軟件會逐步教導你整個CPR的急救程序，你只要依足指示去做即可。

到了最考人的心外壓步驟，它會叫係拿著iphone作為感應器，利用iphone去測量你的心外壓力度及速度，務求令你做出最有效的心外壓。如力度及速度不足，更會有語音提示叫你加快。

此軟件亦不希望大家有機會用，不過如果身邊有家人朋友剛巧是心臟病患者，而現在你又剛巧睇到尼篇文章，而軟件又剛巧完全免費。。。。。這便是天意了，下載佢啦。

下載位置
http://itunes.apple.com/us/app/pocketcpr/id334738473?mt=8

好啦,終於收左市了

今日全天候實測星期日出文介紹的 IPHONE免費即時股票報價--Realtime HK Stock

跟進如下:
Realtime HK Stock　ＶＳ　某股票行提供$400的即時報價

如果以一頁六隻個股，目測延遲不多於"3秒"，而且目測延遲的主因應是網路問題

如果只單選一隻股票更新更近乎是即時.....，另外因它是以aastock類的編號編排,相信期指是沒有的了.
如果以一頁去觀察組合，入貨時再獨立選一隻去更新，簡直拍得住大行的即時報價服務．

跟據以上測試，應該都真係即時報價

真係非常之好用,有埋排隊,期指,圖表,到價提示推播, 就真係 per~fit~多

雖則係講交所開放即時報價時，至今已有多間公司或網站都有免費即時股票報價，我一見佢免費，就一路比較各報價網站，用iphone上最好都係 money18，不過好還好，佢點都係不是專比iphone用，成日要Zoom in用上總有點煩，現在一隻作者堅稱係免費即時股票報價軟件出現啦．

Realtime HK Stock--暫時係免費（第二時會唔會有鬼馬收費就不得而知了）

由於係專設計比iphone用，輸入股票號碼都方做好多。

可一次過入多個觀察列，方做睇晒自己個投資組合同心水入貨選擇。

啊沒有就是咁多。。。
（謎之聲：我好耐無出黎炳你尼，講兩句，咩都無測試就縮骨算介紹左？）

其實我都好想測試好多野，如：即時股票報價有沒有延遲，佢包含恆指及國指又有沒有延遲，是否串流報價（我估九成唔係），有沒有包含期指報價。。。。等等

但好可惜佢出品及我寫文之際，是星期日呀！朋友！今日無開市又點測試尼？
我承諾星期一早上一開市即時方測試，再分時段抽查佢報價的延遲及準確性~

下載位置
http://itunes.apple.com/us/app/realtime-hk-stock/id338810860?mt=8

尼幾日人流突然多左好多，都覺得有奇怪架啦，原來係今期e-zone（587期）發現有介紹我個卜喎！！
先去買本今期587期 e-zone（今次點都無得免費啦下話），再係一書三冊中既 e-zone DIGI，第16頁就會見到啦。。。。

不過，我太明白各免費黨黨員員既要求啦（免費黨更係免費啦）

我即時影左個鬆、郁、蒙版比大家先睹為快。

要清晰版？~去買本e-zone／去圖書館睇下啦

上年「一人一信」免費投寄日?......最後都係寄唔出一封信,感覺好似蝕抵左，今年，「一人一信」免費投寄日2009再來，仲有充裕時間，真係要比多ｄ時間想下可以寄封信比邊個．．．

「一人一信」免費投寄日活動定於二○○九年十月九日舉行。香港郵政連續第六年舉辦這項活動，旨在鼓勵市民為摯愛親朋送上書信，表達關懷之意。

詳情參閱
http://www.hongkongpost.com/chi/misc/lovencare/index.htm

想想下，與其寄比朋友講ｄ平日都係ｓｍｓ講既野，不如寄比特首，叫佢改善下民生，關注下低下階層．．．諸如此類啦，越想越好玩，玩下特首係一晚之間收到７００萬人既訴求，都幾攪笑．．．．ｈａ．．．ｈａ．．．

ｅ～特首個地址係咩尼？？？

是次聚會承蒙 Leader Radio 贊助部分開支，入場費一律減至 HK$20，特此鳴謝！

精彩節目內容：

1. iPhone 3GS 真機現身！
2. Leader Radio 特約：iPhone 3GS + 3.0 Enhancements Showcase
3. 齊來參與 Twitter 新玩法
4. 次次有抽獎，人人有獎抽！

（其實似乎我唔講出黎，小Ｄ人去，我多Ｄ時間玩試部iPhone 3GS 喎）

7月6日 19:30 舉行的「大蘋果眾 MACitizen 第 94 次聚會」。

活動：大蘋果眾 MACitizen 第 94 次聚會
"尋找 iPhone 3GS 和 Twitter 新玩法"
種類：Club/Group Meeting
東道主：大蘋果眾 MACitizen (http://www.facebook.com/l/;Mac.UserGroup.HK)
開始時間：7月6日 19:30
結束時間：7月6日 22:00
地點：eTECH Centre（智德中心）4 樓

照慣例，我應該都９成９會出席的。

3通知： MMS服務已生效，閣下可透過已升級至iPhone 3G 3.0 收發MMS。發放MMS
收費為: 網內 : M /跨網 : M (於推廣期內豁免附加費) /國際 : M+$3。於漫遊
期間發放MMS, 需繳付漫遊數據費用。詳情請參閱 3 網站。

原全不理解為何要另外收費？？？

可能我以前小用唔知價啦，記憶以前都是以流量去計收費，（因有人中左招send一張相用左十幾廿蚊，所以印象好深），以smartone為例，都係逐MB去收費，既然我iPhone 3G係用無限數據PLAN，為何仍要網內 : M /跨網 : M (於推廣期內豁免附加費)？？？

既然要收費，我何不免費地經e-mail／Twitter／Facebook等去發送．．．

＝＝＝＝＝＝後記＝＝＝＝＝＝

查看了３的詳細收費，

見其他３用戶都要比，條氣先順返小小，不過如是iPhone 3G根本無必要用佢，淨係見尼個限制
已經完全覺得MMS是雞肋．

2.　若電郵的容量超過100Kb，MMS電郵的內容將會被縮短或附件將會被刪除．

Iphone實時報價App是有的，128Q128Q 不過是要再另收月費才有即時報價，實在不合本人性格。
其實Iphone免費實時報價是有的，而且又不是甚麼秘技，只要找一間支援iphone的股票行即可......本來怕太廣告，而炒股又唔係個個好，先一直無分享尼個心得~~~~~~

巧遇係大蘋果眾 MACitizen 討論區有網友有需要，而會長大大又叫有好野唔好收埋.....我決定寫篇iPhone免費股票實時報價啦

真的沒有特別，先去大福開戶，因大福推出左「大福Mobile Trading」流動交易平台，其實不只Iphone，其他手機發PDA都能使用，只要於手機瀏覽器上輸入網址 http://m.taifook.com 或 http://mobile.taifook.com 即可進行網上股票交易，當然包括股票實時報價。

「大福Mobile Trading」主要提供了本地證券交易功能，包括 :

證券競價盤和限價盤交易
交易訂單查詢
改單和撤單
證券帳戶查詢
股票持倉查詢
查詢免費即時股價及即市新聞

其實有以上功能已經好夠用了（還有繁簡英可選），至於為什麼不用其他銀行？原因好簡單，因我用開大福，而佢尼個服務亦是特別為手機面開發，即介面簡潔了，當然不需JAVA，JAVA Applet，FLASH等等亦能交易，這當然最合Iphone用啦，而且用Iphone上手機版頁面更是快，對於要下單時更為重要。

今早一見會長大大要求，即時CAP圖測試，（有圖為証架）

為左要測試佢係未即時，我亦開埋其他網上股票報價測試，証實左是有小小小延遲的，我個人估計大約幾秒至廿秒左右（因是目測，未必準確），延遲原因可能很多，甚至3G網絡也可以令報價延遲，不過以手機版來說，比起其他要成十五分鐘延遲報價，相信幾秒應在合理之列掛？？？

而至於圖表方面就有明顯延遲十五分鐘啦，對於圖表派一族非常不利。

有左報價，更係要買賣啦，基本野：競價盤，限價盤，查單，改單，撤單。。。都算齊套，當然要買賣自然要比佣啦，佣金可參考返大福，貴與平就見人見智啦（我就成日覺得佢貴）。

另外要留意數據流量，由於是經網頁登入，當然要用3G上網啦，小心流量，不過，
大福同3有優惠

「由即日起至 2009年6月30日，"3香港"用戶使用大福流動交易服務可獲豁免本地流動數據之服務費用*，讓你安心瀏覽。」
*如於海外使用，漫遊時需另繳數據漫遊服務費用

可能我太遲寫聽篇野了，不過都仲有十幾日試既。

（謎之聲：咪住，唔好陰我，我見到大福開戶按金最少為港幣一萬元，又話免費？？？）

如何免費取得股票實時報價尼？？？（尼層呢自己意會下我的故事）

故事是，我為了要做股神用左港幣一萬元去作開戶按金，當然我開戶是想買股票啦，不過，開了戶及開啟了網上交易及「大福Mobile Trading」後，我突然要買canon 500D（真的），又剛好是一萬元，沒錢啦，沒有辦法，大福，請把我的一萬元提出來啦。不過我仍要留意市況及我戶口的結餘麻，所以又經常登入「大福Mobile Trading」去查詢戶口結餘及股價，當然我開戶是想買股票啦，買股票時我一定入錢的。。。。

「大福Mobile Trading」詳情
http://www.taifook.com/chi/securities/hk_sec/mobile_trading.jsp

＊註：利益伸報，本人絕對沒有收過大福一毫子架。

1/31/2011

10/11/2010

10/07/2010

9/21/2010

9/11/2010

6/14/2010

5/25/2010

5/07/2010

3/31/2010

1/28/2010

1/26/2010

12/31/2009

12/07/2009

12/06/2009

11/16/2009

9/16/2009

7/04/2009

7/01/2009

6/18/2009

6/15/2009