連鎖爆炸電池--Pilouz

充電池爆炸新聞成日都有，今次說食正個勢，用你智力，用最小電量去連鎖引爆整個電網的電池。
（不過遊戲的電池與市面某品牌極似，好易人誤會是競爭對手出隻遊戲來抺黑某品牌）

 Pilouz--原價US$0.99，現限時免費

遊戲主要是利用提高電池的大小。當它已達到其最大時，再加壓力使它爆炸，釋放出四個閃電，然後再引發其他電池充電，只要以電池的連鎖引爆，令整個電網的所有電池爆清即可。

（順帶一提，今次有小小老貓燒鬚，去到第７版已經被卡，過到既通知一下）

網友phi提到...

PS. 係空白地方按一下可以吸走周圍既電...(終於過到第７版了)

下載位置
http://itunes.apple.com/us/app/pilouz/id320281551?mt=8

空投方塊--DropBrick

本身尼隻遊戲簡介說是一隻建築師類，考驗平衡的遊戲，細玩之下，更覺是街市佬賣燒肉，唔夠秤，斬多舊豬骨搭堆出秤一樣。

DropBrick--原價US$1.99，只限本星期免費。

特點： - 70個關卡。 - 模擬真實世界的平衡檢測。
- 級別選擇菜單。 - soundFx靜音，水平校準及復位。 - 自動保存進度。

遊戲主要是把燒肉（即係方塊）放到左面的秤上，要存夠一定的重量，直至達到右面的重量，當然如果仍未夠秤就更係勁搭豬骨豬腳啦（即係方塊），搭呀~搭呀~搭呀~，尼位街市佬個秤壞又唔換，只好用我地身體去平衡就返個秤啦，唔好比Ｄ燒肉跌落黎呀。。。。（越玩真係越覺自己似街市佬）

下載位置
http://itunes.apple.com/us/app/dropbrick/id336530103?mt=8

點解我公司附近無 delifrance架~

貪婪之手--Hand of Greed

玩又好做野好，最緊要都都係眼明手快，手腳慢就更係要努力訓練一下，另外，如果你有心進軍文雀行業，今之貪婪之手說啱晒你啦，因為本遊戲簡直係扒手專業訓練軟件。

Hand of Greed--原價US$2.99，現限時免費

遊戲是要你以極速輕快之身手，在眾多刀鋒下點取金幣寶石，看似輕易，但隨難度增加，刀鋒亦會增加，而且由單一轉向或移動變為多方轉向移動，漸漸整個畫面也是萬天刀光，要在萬刀之下妙手空空實是不易。
（試了一下，發覺先以連續偷取同一樣式之物件，分數會更多）

如果你反應慢需要訓練，又或是要投身文雀行業，唔好豫疑啦，下載啦。

下載位置
http://itunes.apple.com/us/app/hand-of-greed/id335371635?mt=8

馬騮派對--A Monkey Party

曾經一輪各大遊戲商都紛紛推出Party系列的遊戲。派對系列，即是開Party時人多多，比隻簡單又好玩，公仔可愛，一個能以短時間完成的競賽式小遊戲，最重要是能多人同時參加。(相信最紅應是當年街機的拍拍機系列，及後推出ＰＳ版及勁貴勁巨型專用手制）

A Monkey Party--原價US$0.99，現限時免費

今次iphone以單機推出派對系列真是冒險之作，由於我試不到多人連線對打，不知效果如何，但純以4個迷你遊戲來說，可以算是中上，因派對系列最大重點在於能多人同時參加的競賽式小遊戲，沒有一大班人在旁對打，叫嚷，即時失色很多。

它內含4個迷你遊戲：
西部猴仔 越獄猴
航空猴 雜技猴

遊戲特點： - 4種不同類型的迷你遊戲 - 在線計分排名。 - 支持通過無線或藍牙連接多人遊戲。（只支援藍牙功能iPhone 3G，3GS和iPod Touch（第二代）） ＜﹣﹣﹣（我完全試唔到，試到的朋友可講下心得） - 可使用音樂庫的音樂 - 遊戲獎勵制度 - 攪笑音樂和背景聲音 

下載位置
http://itunes.apple.com/us/app/a-monkey-party/id323099096?mt=8