昨晚「大蘋果眾 MACitizen 第 94 次聚會」，會長好勁，班到部iphone 3GS。
當晚人頭湧湧，亦正因如此，令到我可把玩iphone 3GS既時間小左（都唔知想佢小人Ｄ好定多人好了），雖然時間小，都爭取下時間盡量試。
（註：由於只有很少時間把玩，未必試清所有功能，見諒）
速度：一個字「快」，當晚試了４部機一齊開Settings，第一當然是iphone 3GS，跟著是IPod touch，iphone 3G，iphone 2G，開軟件可以用「標」出黎去形容，介面轉換亦非常之順暢。
鏡頭：300 萬像係MON睇不出分別，但佢既自動對焦、微距、自動白平衡就非常之好，尤其是自動對焦，一按對焦物件便自動對物件對焦，不過有小小感覺佢有ＤＶ般的拉近放遠去尋找焦點。
拍片：還可以啦，螢幕大，像素高（暫時最高VGA@30fps），係高速搖是有小小殘影，而且拍完「修剪」時，只能選片段中的一部份，不能中間某部入剪走再合併頭尾，即只能剪不能接。
電子羅盤：估不到神奇地好玩，即場搖佢轉佢，都係比真既指南針慢小小左右，配埋GOOGLE MAP，連埋個地圖一齊轉，簡直完美。（敝~無試最想試既google street view添）
熱力問題：當晚比我地成村人虐待佢成晚，都不是覺有熱的問題。
大小：大小重量外型，基本上攞上手都無咩分別，小心比人用3G換左部3GS
防水濺、油污機殼：因實機有貼保護試唔到
語音操控：當晚人頭湧湧又噪，無試
HSDPA 7.2Mbps：由於會場是用WIFI，而且7.2Mbps亦要３支援，無試
電池用量：車~我玩得個一陣，我講電量長，你都唔好信啦。
實玩iphone 3GS後，換來是有一點點......失望
整體感覺是不俗，但是沒出乎意料的感覺，（會否因為咁而換機。。。我就有所保留了），當然考慮問題不只是iphone 3GS機本身如何，還有部舊iphone 3G機如何處理以及又要被３ＨＫ加監等問題才是真真正正要考慮的問題。
